Azad Vətən Partiyasının sədri Akif Nağı bölgələrdə bir sıra görüşlər keçirib

1676123065347
Partiyanın mətbuat xidmətindən saytımıza göndərilən xəbərdə bildirilir ki, Azad Vətən Patiyasının sədri Akif Nağı bölgələrə səfər çərçivəsində Mingəçevir şəhərində olub, partiyanın Migəçevir şöbəsinin üzvlərinin iştirakı ilə iclas keçirib.
İclasda həmçinin partiyanın Siyasi Şurasının üzvləri Şirzad Hüseynov və Tacəddin Əyyubov iştirak edib. İclas Azərbaycanın dövləti himninin oxunması, Türkiyədəki zəlzələ nəticəsində həyatlarını itirənlərin və eyni zamanda Şəhidlərimizin xatirəsinin yad edilməsi ilə başlayıb. Partiyaının Mingəçevir şəhər şöbəsinin sədri Məmməd Sarıyev iclası açaraq, yerli şöbənin fəaliyyəti və digər məsələlərlə bağlı məlumat verib. Sonra partiya sədri A.Nağı hazırkı vəziyyət, yerli şöbənin vəzifələri və digər məsələlərlə bağlı geniş məruzə ilə çıxış edib. A.Nağı məruzəsində partiya quruculuğunun dövlət və millət üçün əhəmiyyətindən, təşkilatlanma işinin vacibliyindən, eyni zamanda dünyada və Azərbaycanda baş verən son hadisələrdən geniş şəkildə danışıb. İclasın iştirakçılarından Şirzad Hüseynov, Tacəddin Əyyubov, Məmməd Sarıyev, Mirməhəmməd Əyyubov, Bəhmən Qəmbərov və digərləri çıxış edərək, qoyulan məsələlərlə bağlı fikirlərini bildirblər. Çıxışların və müzakirələrin gedişində bir sıra problemlər, o cümlədən müxtəlif sahələrə aid regional idarələrin yaradılması, onun müsbət və mənfi cəhətləri, partiya üzvlüyünə insanların cəlb olunması, Birinci və İkinci Qarabağ müharibəsi iştirakçılarının üzləşdikləri çətinliklər, xüsusilə onların əlillik dərəcəsinin müəyyən edilməsi və veteran vəsiqələrinin verilməsi və digər məsələləri gündəmə gətiriblər. Müzakirə olunan məsələlərlə bağlı uyğun qərarlar qəbul olunub. Sonda A.Nağı çıxış edərək yerli şöbənin üzvlərinin sayının artırılması və digər məsələlərlə bağlı tapşırıqlarını verib.

***

AzVP sədri Samuxda olub


Azad Vətən Patiyasının sədri Akif Nağı, partiyanın Siyasi Şurasının üzvləri Şirzad Hüseynov və Tacəddin Əyyubovdan ibarət heyət Samux rayonunda yerli fəallarla görüşüb, aktual məsələləri müzakirə edib. Partiya rəhbərliyi yerli şöbənin bir qrup üzvlərinin iştirakı ilə iclas keçirib. Rayon şöbəsinin sədri, Qarabağ Qazisi İlham Xəlilov iclası açaraq qonaqları salamlayıb, gördükləri işlərlə, həyata keçirilən tədbirlərlə bağlı məlumat verib. İ.Xəlilov təşkilatlanma ilə bağlı üzləşdikləri problemlərdən danışıb, aradan qaldırlması üçün təkliflərini verib. Partiyanın sədri Akif Nağı rəhbərlik etdiyi qurumun yaranması zərurəti, qarşısına qoyduğu vəzifələr, ölkədə siyasi vəziyyət və digər məsələlərlə bağlı çıxış edib. A.Nağı xüsusi olaraq vurğulayıb ki, bu gün Azərbaycan cəmiyyətində Türkiyədəki zəlzələ ilə bağlı narahatçılıq hökm sürür, hər kəs zəlzələnin nəticələrinin aradan qaldırlması üçün əlindən gələni etməyə çalışır. Eyni zamanda Azad Vətən Partiyası maddi və mənivi yardım göstərir və digər işlərdə fəal iştirak edir. Partiya sədri Azad Vətən Partiyasının bu gün və gələcəkdə oynayacağı rol ilə bağlı fikirlərini səsləndirib. Partiyanın Siyasi Şurasının üzvü Şirzad Hüseynov hər bir partiya üzvünün yerlərdə xüsusi fəallıq göstərməsi, öz haqqını müdafiə etmək üçün çalışmasının vacibliyini qeyd edib. Siyasi Şuranın digər üzvü Tacəddin Əyyubov partiyanın hər bir üzvünün hüquqi savadının olması, hüquqi və siyasi maarifləndirmə ilə məşğul olmasının vacibliyini bildirib. İclas iştirakçılarından Qoşun Qəmbərov həm özünün, həm də tanıdığı digər adamların rayonda haqsızlığa qarşı, eyni zamanda müəyyən problemlərin aradan qaldırlması ilə bağlı fəaliyyətini qeyd edib. Çıxış edənlərdən Bəxtiyar Ənnağıyev partiyaya həvəslə qoşulduğunu, qarşıya qoyulan vəzifələrdə əlindən gələni edəcəyini bildirib. Digər çıxış və müzakirələrdə insanları düşündürən, yerlərdə məmur biganəliyi, özbaşınalığı və digər məsələlərlə bağlı fikirlər səsləndirilib. A.Nağı sonda çıxış edərək fikir və təkilfləri ümumiləşdirərək, bütün məsələlərin nəzərə alınacağını, partiyanın fəaliyyətində əsas götürüləcəyini, eyni zamanda nəticəyə nail olmaq üçün Azərbaycan dövlətinin gücləndirilməsinə öz töhfəsini vermək üçün hər bir partiya üzvünün qarşısında vacib vəzifələrin durduğunu, hər kəsin fədakarlıq etməli olduğunu bildirib.

Azad Vətən Partiyasının Mətbuat Xidməti.
11.02.2023.

Zaur, Xoşqədəm və Elgiz həkimləri neçəyə reklam edir? - FANTASTİK QİYMƏTLƏR

1101061

Televiziyanın əsas funksiyalarından biri maarifləndirməkdir. Ancaq təəssüf ki, son vaxtlar yerli telekanallarda maarifləndirmə ilə ucuz reklamın sərhədləri qarışıb.

Milli,Az medicina.az-a istinadən xəbər verir ki, müəllif proqramlarında əhalini maarifləndirmək adı altında hansısa "ekspert" və "mütəxəssislər" reklam edilir. Manipulyativ xarakterli bu özfəaliyyət tamaşaçıya "tibbi maarifləndirmə proqramı" tipli verilişlərdə daha qabarıq şəkildə diqqəti çəkir.

Əgər əvvəllər telekanallar müxtəlif xəstəliklər, tibbi məsələlər, səhiyyə sahəsində mövcud olan problemlərlə bağlı az-çox sanballı verilişlər hazırlayırdısa, son dövrlər tamamilə başqa tendensiya diqqəti çəkir: hansısa həkimlər canlı yayıma və ya tibbi məzmunlu verilişlərə çağırılır, aparıcı isə qonaqla ciddi mövzuda söhbət etməkdənsə, daha çox onun ünvanına "bəy tərifi" yağdırmaqla məşğul olur. Vəziyyət o həddə çatıb ki, artıq həkimlər ölkənin çox izlənilən tok-şou və populyar şou verilişlərinə belə ayaq açıblar.

Məsələn, teleaparıcılardan Əkbərin, Elgizin, Tarix Əliyev (Tolikin) səhər verilişlərində, Xoşqədəm Hidayətqızı və Zaur Baxşəliyevin tok-şoularında həkimlər ekspert kimi saatlarla otururlar. Əsl şou da elə bu dəvətlər dəb halını alandan sonra başlayıb.

Aparıcılar bu verilişlərdə həkimləri "ölkənin nömrə 1 həkimi", "ən yaxşı cərrah", "ən yaxşı travmatoloq", "ən bacarıqlı ginekoloq" və s. kimi təqdim edirlər. Belə proqramlarda peşə etikası, hətta reklam haqqında qanunun tələbləri ciddi şəkildə pozulur, aparıcılar hansısa "mütəxəssis" barədə şəxsi, subyektiv fikirlərini tamaşaçılara həqiqət, real informasiya kimi sırımağa çalışırlar... Sirr deyil ki, bütün bunların arxasında ciddi maliyyə dəstəyi dayanır.

Vəziyyət o həddə çatıb ki, ölkədə həkimlər qeyri-rəsmi olaraq, 2 kateqoriyaya bölünüb: reklamı güclü olanlar, başını aşağı salıb işini görənlər.

Təbii ki, şou və əyləncəli proqramlarda reklam olunan həkimlərin pasiyentlərinin də sayı artır. Qabiliyyəti, savadı üstün olan həkimlər isə bu reklam şoularına qatılmır və daha az pasiyentlə kifayətlənməyə məcbur olurlar. Məsələnin ziyanlı tərəfi həm də ondan ibarətdir ki, teleaparıcıların sayəsində tamaşaçı pulu olan, ancaq yetərincə bacarığı olmayan belə "həkim"lərin toruna düşür. Pasiyentlər kifayət qədər pul sərf etsələr də, həmin həkimlərin apardığı müalicə və əməliyyatlar çox zaman nəinki uğurlu olmur, hətta bir çoxlarına sağlamlıqlarını itirmək bahasına başa gəlir.

Medicina.az saytı populyar televiziya proqamlarında həkimlərin reklam olunmasının qiymətləri barədə araşdırma aparıb.

Məlum olub ki, telekanalların reklam paketlərindən əlavə teleaparıcılardan Zaur, Xoşqədəm və Elgizin proqramında qonaq kimi iştirak edən həkimlər aparıcıların xüsusi təqdimatı üçün əlavə ödənişlər edirlər.

Belə ki, əgər sponsor paketi 10 min manatdırsa, həkim canlı verilişdə oturmaq və çıxış, xüsusi təriflənmək üçün əlavə 3-5 min manat arası pul ödəyir.

Telekanallarda Xüsusi sponsor qiymətləri aşağıdakı kimidir.

ATV telekanalında Zaur Baxşəliyevin "Bizimləsən" proqramında müvafiq xidmətin qiyməti ƏDV-siz 16-18 min manatdır. Zaur Baxşəliyevin verilişinə şəxsən çıxmaq üçün əlavə ödəniş tələb oluna bilər. Yeri gəlmişkən, aparıcı bu yaxınlarda həyat yoldaşı və özünü "Azərbaycanda ən bahalı reklam edən aparıcısı" elan etmişdi.

ATV-nin "Nanəli" proqramında həkimlərin reklamı ƏDV xaric 9-12 min manata başa gəlir.
ARB kanalında Xoşqədəm Hidayətqızının "Səni axtarıram" verilişində sponsor qiyməti 17-20 min manatdır.
Ətraflı

Ads by
0
Reklamınızı SmartBee ilə effektiv edin.

Verilişin xüsusi sponsoru olmayan (yəni 17 min manatı ödəməyən) həkimi ayrıca verilişə çıxarıb reklam etmirlər. Xoşqədəm Hidayətqızının həkimi şəxsən təqdimatı üçün nə qədər ödəməli olduğu sirr saxlanılır, bunu yalnız aparıcı özü təyin edir.

"Elgizlə İzlə" verilişində reklam paketi 8-9 min AZN-ə başa gəlir. Həkimin verilişdə qonaq kimi təqdimatı, əyləşməsi, ekspert kimi çıxışı 5-6 min manatdır. Bu məbləği Elgiz özü təyin edir və aparıcının özünə aiddir.

Tarix Əliyevin "Ümid ilə gəl" verilişində sponsor paketləri 5 min manatdan başlayır. O verilişinin sponsor, reklam qiymətlərini şəxsən özü təyin edir.

Sponsor paketində həkim və ya klinikanın reklamı rolik şəklində göstərilir və aparıcı tərəfindən səsləndirilir.

Həkimin birbaşa həmin verilişə qatılması, tanıdılması və aparıcı tərəfindən şəxsən təqdimatı ayrıca hesablanır.

Bir neçə il əvvəl Xoşqədəm Hidayətqızının verilişinə qatılan həkimlərdən biri hər ay üçün əlavə pul ödədiyini bildirib:

"Kanala ayrıca reklam paketi ödənişi etdim. Xoşqədəm xanımın verilişində təqdimatı üçün ayrıca pul verdim. Həmin vaxt xəstə çox oldu, otağımın qarşısı dolu idi. Özəl klinika rəhbərliyi bunu görüb, mənə ayrıca mərtəbə ayırdı, otaqları çoxaltdı. Klinika bizə reklam üçün pul vermir. Həmin il mən telekanallarda müxtəlif proqramlara 35 min pul xərclədim. Bu məbləği ikiqat çıxardım. Amma sonra pandemiya oldu. Daha sonra icbari tibbi sığortaya görə xəstələr mənim etdiyim əməliyyatı sığorta ilə etdirməyə başladılar. Ona görə xəstə sayı çox düşdü. İndi həmin verilişlərdə reklam qiymətləri qalxıb".

Adı çəkilən verilişlərdə aylarla "ən yaxşılar" kimi təqdim olunan göz həkimi, ginekoloq, cərrah, travmatoloq, pediatr, kök hüceyrə mütəxəssisləri, eləcə də uroloq və böyrək həkimlərinin reklamdan sonra qəbul qiymətlərinin artdığı da bildirilir.

Xüsusən bölgələrdən həmin həkimlərin qəbuluna xəstə axını müşahidə olunur. Xüsusən yaşlı nəslin nümayəndələri yaxınlarından onları Zaur, Xoşqədəm və Elgizin reklam etdiyi həkimə aparmağı tələb edirlər.
Beləcə, aparıcıların reklam etdiyi həkimlər peşəkar həmkarlarını üstələyir, onların kabinetlərinin qarşısında pasiyent növbəsi yaranır. Bəzi həkimlər bir gündə 50 xəstə qəbul edir və təbii ki, gəliri artır. Daha sonra onlar bu gəliri növbəti, daha yüksək məbləğli reklam dövriyyəsinə buraxır.

Bir maraqlı nüansı da qeyd edək ki, tanınmış göz həkimi, professor Rasim Hacıyevlə müsahibə zamanı həmin aparıcılardan birini öz uşağını müalicə üçün onun qəbuluna gətirdiyinin şahidi olduq. Hətta həkimdən yarızarafat, yarıciddi "aparıcı niyə övladını reklam etdiyi "bir nömrəli göz həkimi"nə deyil, sizin yanınıza getirir" sualını verdik. Belə aydın olur ki, teleaparıcılar öz və ailə üzvlərinin sağlamlığını reklam etdikləri və xalqa məsləhət gördükləri həkimlərə etibar etmirlər.

Həkimlərin reklam olunmasının qanunvericiliyə və tibbi etikaya nə qədər uyğun olub-olmadığınına gəlincə, bu barədə elə tanınmış həkimlərin rəyini soruşduq.

"O cür reklam olunmaq həkim adına həqarətdir"
Adil Qeybulla professor, tibbi ekspert:

"Azərbaycanda həkimlərin reklam olunma forması dünyada analoqu olmayan biabırçılıqdır. Bu qədər pulu verib efirə çıxırlar, aparıcılar da onları "1 nömrəli həkim", "ən yaxşı həkim" adlandırırlar. Hansısa həkimin bu təqdimata razı olması, onun öz peşəsinə və həmkarlarına qarşı həqarətdir. O aparıcılar pul üçün hər şeyə gedirlər. Onlar üçün "ayıbdır" sözü yoxdur.

TƏBİB, Səhiyyə Nazirliyi, hətta İcbari Tibbi Sığorta, Teleradio Şurası hara baxır? Həkim yalnız və yalnız tibbi profilli mətbuat vasitəsində öz sahəsi üzrə yeni müalicələr barədə informasiya verməlidir. Amma televiziyada "yalnız bu həkimə gedin, başqa yerə getməyin, bu, ən yaxşısıdır" kimi çağırışlar yolverilməzdir. Bu, başqa həkimlərin hüquqlarının tapdanması və icbari tibbi sığorta sisteminə keçən ölkəyə zərbədir. Mən belə şeylərin əleyhinəyəm. Mən özüm reklamdan, televiziyalara pulla çıxmaqdan uzağam. Fərdi, korporativ maraqlara keçmək yolverilnməzdir. Bu, həm mənəvi, həm də hüquqi məsuliyyət yaradır".

"Dünyada 1 nömrəli həkim anlayışı yoxdur, bu, insanları aldatmaqdır"
Aydın Əliyev, həkim radioloq, Azərbaycan Həkimləri İctimai Birliyinin sədr müavini:

"Birmənalı olaraq, həkimlərin pul, xüsusən də bu qədər yüksək məbləğ qarşılığında efirdə reklam olunması yanlışdır. Həkimin yüngülvari təqdimatı gedə bilər. Saytlarda, sosial şəbəkəsində özü barədə konkret məlumat, gördüyü işlər və s. barədə məlumatlar yayıla bilər. Xüsusən də yeni başlayan həkimlərin bunu etməsi qismən başadüşüləndir. Yaxşı həkimlərin isə buna heç vaxtı yoxdur. İnsanlar tanımalıdır həkimi. Məşhur verilişlərdə aparıcıların bu məsələni şouya çevirməsi, kimisə "nömrə 1" adlandırması, həkimin də bunun qarşılığında pul ödəməsi biabırçılıqdır. Dünyada "1 nömrəli həkim" anlayışı yoxdur. Aparıcıların ucuz şou xarakterli "Xəstə ölürdü, bir iynə vurdu dirildi, "Filankəsin əlacı tapılmırdı, bu həkim tapdı" kimi fikirləri insanları aldatmağa xidmət edir. Bu, eyni zamanda həkimin savadsızlığından xəbər verir.
Mən 20 ildən yuxarıdır bu sahədəyəm, bu illər ərzində otağını kral otağı kimi bəzəyən, divarına getdiyi bütün kursların sertifikatlarını düzən, bütün günü salonlarda, çəkilişlərdə olan kişili-qadınlı həkimlərin, şan-şöhrəti sevənlərin həmişə savadsız, yarımçıq insanlar olduğunu görmüşəm. Yaxşı həkimlər oxuyur, xəstəylə məşğul olur, onun heç bəzənməyə, reklama, salonlara getməyə vaxtı belə olmur. Həkimin göstərişə ehtiyacı yoxdur. Təəssüf ki, bizdə cəmiyyətdə problem var, insanlar belə şeylərə önəm verir, bahalı həkimə, reklama inanır. İnəyini, qoyununu satıb rayondan həmin həkimin yanına gəlir və möcüzə gözləyir. Pullarını sağa-sola xərclədirlər, amma nə müalicə alır, nə düzəlirlər. Ümumiyyətlə, ucuz, şou xarakterli həkim, səhiyyə reklamlarını ləğv etmək lazımdır. İnsanları aldatmaq cinayətdir. Mən bir həkim kimi heç vaxt belə reklamlara getməmişəm. Heç o verilişlərə də baxmıram. Tibb xidmət sahəsidir, insanların sağlamlığının keşiyində durmalıdır. Milyonçu, məşhur olmaq istəyənlər gedib şou bizneslə məşğul ola bilərlər".

"Aparıcılar çempionat keçiriblər ki, 1 nömrəli həkimdən danışırlar?"
Fuad İslamzadə , "Tibb" jurnalının baş redaktorunun müavini:

İqtisadi rəqabət və bazar münaibətlərində reklam verən və o reklamı əhali arasında yayan şəxslər ədalətsiz rəqabətə yol verməməli, digər şəxslərin mənafeyinə zərər verəcək addımlar atmamalıdırlar. "Reklam haqqında" qanuna görə, heç bir məhsul və ya xidmət növünü "ən yaxşı", "ölkədə bir nömrə", "ən yüksək keyfiyyətli" kimi sözlərlə təqdim etmək olmaz. Təəssüf ki, ölkəmizdə bu məsələyə kifayət qədər diqqət yetirilmir və biz belə reklamlarla tez-tez rastlaşırıq. Bu cür qüsurlu reklamlar ən çox həkim fəaliyyəti ilə bağlı reklamlarda müşahidə edilir.

Tibbi fəaliyyət 2 cür reklam edilə bilər: 1) tibb mərkəzlərinin fəaliyyət dairəsinin reklam edilməsi ilə. Yəni, tibb müəssisəsində hansı tibbi yardım növlərinin olduğu haqda reklam məlumatı verilir. 2) həkim kütləvi informasiya vasitələrində müəyyən bir tibbi problem haqqında danışır, dinləyənlər də həmin həkimin bu problemlə məşğul olduğunu anlayıb, ona müraciət edirlər.

Azərbaycanda isə özəl telekanallar müxtəlif həkimlərin fərdi reklamlarını verir və ya onları efirə çıxarıb ağızdolusu tərifləyirlər. Çox qəribədir ki, özünü bu cür reklam etdirən həkimlər haqqında tez-tez "ölkənin nömrə bir həkimi", "Azərbaycanın ən yaxşı həkimi", "ölkədə tayı-bərabəri olmayan həkim" kimi ifadələr eşidirik. Belə sözləri güləşçiyə, boksçuya, şahmatçıya aid etmək olar. Televiziya aparıcıları həkimlər arasında çempionat keçiriblər ki, nömrə bir həkimdən danışırlar? Hələ onu da deyim ki, bəzi həkimlərimiz də televiziya efirinə çıxıb, orada özlərini malik olmadıqları titullarla təqdim edirlər. Məsələn, professor, akademik və s. Şübhə etmirəm ki, bizim praktik həkimlər arasında peşəkarlıq baxımından professorlardan yüksəkdə duranlar ola bilər və hətta var. Lakin hər hansı bir adamın özünü xalqa malik olmadığı titullarla tanıtması riyakarlıqdan başqa bir şey deyil. Mənim yaxından tanıdığım, tibb təhsilini bütünlüklə Türkiyədə alan çox qabiliyyətli bir həkim var. Bir dəfə zarafatla ona dedim ki, "nə əcəb, televiziyaya çıxıb uzman olduğunu demirsən?" O mənə cavab verdi ki, özünü uzman kimi təqdim edənlər arasında elələri var, onlara baxıb, uzman olduğunu dilimə gətirməyə utanıram".

Milli.Az

Düşməni əməllə çökdürmək vaxt tələb etsə də, dərin bir siyasətdir

20221121 121211
Torpaqlarımızın işğaldan azad olunmasında 44 günlük müharibə və qazanılan böyük Zəfər müasir tarixdə dərin izlər qoyub. Bu, həm ictimai-siyasi dairələrdə, həm də hərb elmində dünyada əks-səda yaradıb. Ancaq torpaqlarımızın əsas hissəsi azad olsa da, Ermənistanın Azərbaycana təcavüzü bitməyib və bayrağımızın Xankəndidə dakğalanacı günü səbrlə, amma böyük inamla gözləyirik. Əminik ki, bu baş verəcək, sadəcə, ortada zaman məsələsi var.
Azərbaycan özünəməxsus yolla gedir - regionda və beynəlxalq aləmdə qarşılıqlı faydalılıq əsasında əməkdaşlıq və inkişaf yolu ilə. Biz və dünya ölkələri bunu görür və qiymətləndirir. Ermənistan və separatçı ermənilər isə bunu ya görmürlər, ya da xislətlərinə uyğun olaraq görmək istəmirlər. Halbuki, görsələr və qiymətləndirib bu yola quşulsalar yanız və yalnız öz əhalilərinə böyük ölçüdə faydalı olan işlərlə məşğul olarlar. Çünki, dünya xalqları iqtisadi və mənəvi cəhətdən birgə inkişaf yolu ilə gedir, uğur qazanırlar, əks yolu seçənlər əvvəl-axır özlərini yandırırlar.
Azərbaycanın ərazisində qanunsuz olaraq faydalı qazıntı yataqlarını istismar etmək heç bir beynəlxalq və yerli qanuna sığmır, yəni, bu, cinayətdir. Lakin ermənilər tərəfindən davam edən işğal faktoru bu cür cinayətlərin törədilməsinə hərtərəfli şərait yaradır. Təbii ki, ermənilər özbaşına olsalar da, təkbaşına bu cür fəaliyyət göstərməyə cəsarət etməzlər. Onlara “dilverən” var. Olsun, bu da bir siyasətdir, amma təcavüzkarlıq siyasətidir. Dünya isə yaşamaq, yaratmaq və gələcəyə addımlamaq üçündür.
Laçın-Xankəndi yolunda azərbaycanlı fəalların ermənilər və xarici ölkə vətəndaşları tərəfindən təbitən korlanmasına və qanunların pozulmasına qarşı keçirdikləri dinc aksiya torpaqlarımızın bütünlüklə işğaldan azad olunmasına, regionda sülhün və firavanlığın bərqərar olmasına yönəlib. Sülh və qanunçuluq, xalqlar arasında qarşılıqlı hörmət və əməkdaşlıq olduqca vacib amildir. Bu gün Azərbaycan dövlətinin apardığı digər dövlətlərlə birgə fəaliyyət siyasətinin sabitliyə söykənən gələcəyə yönəlib. Hazırda İsveçrənin Davos şəhərində keçirilən beynəlxalq görüşdə Azərbaycanın dövlət başçısı İlham Əliyevin Çinin CGTN (China Global Television Network) televiziya kanalına müsahibəsində bu istiqamətin mahiyyəti dəqiq ifadə olunub: “Biz ölkələri və insanları birləşdirməyə nail olmuşuq. Sizə deyə bilərəm ki, nəqliyyatla bağlı infrastruktur layihələri regionumuzda tamamilə yeni siyasi vəziyyət yaradır. Bir-birindən asılı olan ölkələr; biri tranzit ölkəsindən asılıdır, digəri tranzit ölkəsi olur, əlbəttə ki, onlar arasında daha yaxın münasibətlər yaranır. Onlar faydaları paylaşır, onlar bütün tərəflərin uduzmadığı bir vəziyyət tapa bilir. Təkcə ikitərəfli formatda yox, çoxtərəfli formatda da. Xəzər dənizi vasitəsilə qitələrin birləşdirilməsi, Bakıda dəniz limanının tikintisi, dəmir yolu sistemimizin Avropa sistemi ilə birləşməsi yeni əməkdaşlıq formatını yaradır və qarşılıqlı asılılıq, zənnimcə, fəal siyasi dialoq üçün, müəyyən çətinliklərin, gərginliklərin azaldılması üçün və müsbət gündəliyə diqqət yetirmək üçün mühüm alətlərdən biridir. Bizim hədəfimiz Azərbaycanda müasir infrastruktur yaratmaq və ölkəni müasirləşdirməkdir. Eyni zamanda, məqsədlərimizə - siyasi, iqtisadi və maliyyə məqsədlərimizə fəal əməkdaşlıq və qarşılıqlı dəstək vasitəsilə nail olmaqdır”.
Azad Vətən Partiyası hesab edir ki, Ermənistan Respublikasının rəsmiləri, eyni zamanda Azərbaycanın suyu, havası, nemətləri ilə dolanan Qarabağdakı separatçı ermənilər bu fikirləri sözbəsöz oxuyub diqqətə almalıdırlar. Qlobal siyasət meydanında onlar bir zərrədirlər və hamının bəyənib qoşulduğu ümumi faydalılıq düsturunun əleyhinə getmək həm ağılsızlıq, həm də təcavüzkarlıqdır. Qarabağımıza gəlib yaşayan ermənilər unutmasınlar ki, onlar Azərbaycan ərazisindədirlər, yerli və beynəlxalq qanunlara görə Azərbaycan vətəndaşlarıdırlar və bir vətəndaş olaraq hüquq və vəzifələrini yerinə yetirməyə borcludurlar. Ölkəmiz, dövlətimiz böyük humanizm göstərərək onları siyasi yollarla sülhə gətirməyə səy göstərir. Düşməni dinc yolla çökdürməyin özü də bir sülh siyasətidir. Sabitlik və firavanlıq Azərbaycanın yürütdüyü siyasətin əsasını təşkil edir.
Novruz Novruzbəyli
Az.VP Siyasi Şurasının sədri

Türkiyədə 20 Yanvar şəhidlərinin xatirəsi anılıb

IMG 20230121 WA0011

Türkiyənin paytaxtı Ankaradakı Azərbaycan Evinin Şuşa Konfrans Mərkəzində Azərbaycan Respublikasının Türkiyə Respublikasındakı Səfirliyi, Türkiyə - Azərbaycan Dostluq, Əməkdaslıq və Həmrəylik Fondunun (TADİV), Türk Dünyası Parlamentarilər Fondu və Qazi Universiteti Türk Dünyası Uygulama və Araştırma Mərkəzinin birgə təşkilatçılığı ilə 20 yanvar - Ümumxalq hüzn gününə həsr olunmuş anım mərasimi keçirilib. Bu haqda Azərbaycanın qardaş ölkədəki səfirliyindən İksmedia.az-a daxil olan məlumatda bildirilir.

IMG 20230121 WA0009

Türkiyənin dövlət rəsmilərinin, diplomatik korpus təmsilçilərinin, Türkiyənin hərbi məktəblərində təhsil alan azərbaycanlı kursantların, elm xadimlərinin və ictimaiyyət nümayəndələrinin iştirakı ilə keçirilən tədbir şəhidlərin xatirəsinə bir dəqiqəlik sükut və iki ölkənin milli himnlərinin səsləndiirlməsi ilə başlayıb. 20 yanvar hadisələrinə həsr olunmuş qısa filmin nümayişindən sonra açılış çıxışları edilib. TADİV rəhbəri, Türkiyə Prezidenti yanında Xarici siyasət və təhlükəsizlik şurasının üzvü professor Aygün Attar açılış çıxışında 20 yanvar tarixi ilə bağlı xatirələrini bölüşüb, bu tarixin Azərbaycanın qəhrəmanlıq səhifəsi olduğunu qeyd edib. Azərbaycanın Türkiyədəki səfiri Rəşad Məmmədov 20 yanvar münasibətilə həm Azərbaycanda, həm də ölkəmizdən kənarda çoxsaylı tədbirlər keçirildiyini ifadə edib. Səfir 20 yanvar 1990-cı ildə Azərbaycan xalqının müstəqillik və ərazi bütövlüyü arzularının qarşısının alınması məqsədilə silahsız insanlara qarşı törədilmiş qətliamdan danışıb. Qeyd edilib ki, tətbiq edilən zorakılığa baxmayaraq Azərbaycan xalqı azadlıq əzmini itirmədi, şəhidlərin qanı və canı bahasına müstəqillik bərpa edildi. Bu şərəfli tarixin qeyd edilməsi gənc nəsil üçün çox əhəmiyyətlidir. Səfirin çıxışında 20 yanvar hadisələrinə məhz Ümummilli lider Heydər Əliyevin hakimyyətə qayıdışından sonra hüquqi qiymət verildiyi diqqətə çatdırılıb. Türkiyə xarici işlər nazirinin müavini Yasin Əkrəm Serim 20 yanvar şəhidlərinin Azərbaycanın müstəqillik əzmini bütün dünyaya nümayiş etdirdiyini vurğulayıb, 20 yanvar tarixinin 8 Noyabr Vətən müharibəsi zəfərinə gedən yolu açdığını və aydınlatdığını qeyd edib. Qazi Universiteti nəzdində Türk Dünyası Araşdırma Mərkəzinin müdiri Alev Kuru Çakmakoğlunun, Türk Dünyası Parlamentarilər Fondunun sədri Abdullah Çalışkanın və Türk Tarix Qurumu Başqanı Birol Çətinin çıxışlarında 20 yanvar qəhrəmanları və şəhidləri ilə Azərbaycanın azadlığa gedən yolu olaraq səciyyələndirilib. Çıxışlarda 20 yanvar şəhidlərinin qanının yerdə qalmadığı, Azərbaycanın 44 günlük Vətən müharibəsində qazandığı şanlı zəfərlə şəhidlərin ruhunun şad olduğu vurğulanıb. Çıxışların ardınca 20 yanvar şəhidlərinə həsr olunmuş "Qanlı Yanvar" fotosərgisinin açılışından sonra anım proqramı elm adamlarının iştirakı ilə 20 yanvar 1990-cı il tarixinin Azərbaycan tarixində önəminə həsr olunmuş panel konfransla davam edib.
f

20 Yanvar Faciəsinin 33-cü ildönümü İsveçrədə ehtiramla yad edilib

Bernde 20 yanvar tedbiri 2023

Cari ilin 20 yanvar tarixində İsveçrənin Davos şəhərində keçirilən ənənəvi Dünya İqtisadi Forumunun yekunlaşmasından dərhal sonra burada iştirak edən Səfirliyin bütün heyəti Bern şəhərindəki diplomatik nümayəndəliyimizə qayıdaraq 20 Yanvar Faciəsi şəhidlərinin əziz
xatirəsini ehtiramla yad etmişlər.
Bir dəqiqəlik sükutla başlayan tədbirin əvvəlində səfir Fuad İsgəndərov qeyd etmişdir ki, Azərbaycan Respublikasının Prezidenti Zati-aliləri cənab İlham Əliyevin başçılıq etdiyi nümayəndə heyətinin doğma Vətənimizin siyasi və iqtisadi inkişafına, regionda lider mövqelərinin bərpasına yönəlmiş Davos Dünya İqtisadi Forumunda keçirtdiyi görüşlərin artıq baş tutmuş və gələcəkdə də həyata keçiriləcək nəticələri Azərbaycan Respublikasının müstəqilliyi uğrunda öz həyatlarını qurban vermiş şəhidlərimizin əziz xatirəsinə ən səmimi töhfə kimi qiymətləndirilməlidir.
Səfir onu da vurğulamışdır ki, Azərbaycanın möhtəşəm beynəlxalq tədbirlərdə səmərəli iştirakı bir daha onu göstərir ki, müstəqilliyimizin bərpa olunması uğrunda həyatlarını qurban vermiş Azərbaycanlıların yeni nəsilləri müstəqil, qüdrətli, inkişaf etmiş digər dövlətlər sırasında öz
layiqli yerini tam tutmuş bir ölkədə yaşayırlar.

6 -dən səhifə 133

Oxşar məqalələr