Kim Çen Inın 13 yaşlı qızı Cu E Şimali Koreyanın Raket Administrasiyasında rəhbər vəzifəyə təyin edilib.

“İksmedia" Qafqazinfo”-ya istinadən xəbər verir ki, Cənubi Koreya mediası yüksək vəzifəli hökumət məmuruna istinadla bildirib ki, Cu E artıq generallardan təlimat alır və bəzi hallarda əmrlər verir.

Bu vəzifəyə təyinat onu Koreya Xalq Ordusunun komandanlığını gələcəkdə öz üzərinə götürməyə hazırlamaq məqsədi daşıyır.

Uzun müddətdir Cu E Kim Çen Inı ictimai tədbirlərdə, o cümlədən, raket sınaq mərkəzlərində müşayiət edir. Analitiklər bu addımın sülalənin kişi varislərə üstünlük verən ənənəsindən tarixi bir uzaqlaşma olduğunu bildirir.

Qeyd edək ki, bazar günü Kim Çen In 15 ildir hakim olan Koreya İşçi Partiyasının baş katibi vəzifəsinə yenidən seçilib. Bu qurultay qarşıdakı beş illik dövr üçün gündəmi müəyyənləşdirəcək.

“Tehran Vaşinqtonla İranın nüvə proqramı ilə bağlı danışıqlarının formatını dəyişməyi planlaşdırmır”. 

İksmedia xarici mətbuata istinadən xəbər verir ki, bu barədə İran Xarici İşlər Nazirliyinin rəsmi nümayəndəsi İsmayıl Bəqai bildirib. 

Diplomat danışıqların bundan sonra da eyni formatda keçiriləcəyini qeyd edib. 

“Əlbəttə, növbəti raundların keçirilmə vaxtı və yeri barədə razılıq olarsa...”, - Bəqai əlavə edib.

ABŞ Konqresinin ən nüfuzlu nəzarət orqanlarından biri olan Nümayəndələr Palatasının Nəzarət Komitəsi qarşısında ifadə verməsi gözlənilən milyarder Ceffri Epşteynin keçmiş sevgilisi və ortağı Gisleyn Maksvel susmaq hüququndan istifadə edib.

“ABŞ Omandakı danışıqlardan əvvəl İrana dörd şərt təqdim edib və qəbul edilməyəcəyi təqdirdə hərbi hücumlarla hədələyib”.

“İksmedia " Qafqazinfo”-ya istinadən xəbər verir ki, bunu İran İnqilab Keşikçiləri Korpusunun Siyasi İşlər üzrə komandan müavini Əziz Qəzənfəri “Sobh-e Sadik” jurnalında Omandakı dolayı danışıqlara münasibət bildirərkən deyib.

O, ABŞ-nin ballistik raket proqramı, regional qruplara dəstək və nüvə məsələlərini danışıqlar mövzusu etmək istədiyini, lakin İranın müdafiə qabiliyyətlərinin danışıqlar mövzusu ola bilməyəcəyini vurğulayıb.

Qəzənfəri ölkəsinin təhdid və psixoloji təzyiqlər qarşısında təslim olmadığını və danışıqlara baxmayaraq, hərbi tədbirləri davam etdirəcəyini bildirib. Omandakı danışıqların çərçivəsinin ABŞ-nin irəli sürdüyü şərtlərdən yox, İranın mövqeyindən formalaşdığını qeyd edib.

İksmedia Musavat com-a istinadən bildirir ki, Milli Məclisin iclasında çıxış edən deputat Aydın Hüseynov separatçılara görə Azərbaycana edilən təzyiqlərlə bağlı danışıb.

Deputat deyib ki, Bakı Hərbi Məhkəməsinin həmin canilərə çıxardığı hökm tamamilə ədalətli, Azərbaycan qanunlarına və beynəlxalq qanunlara uyğundur:

“Məhkəmənin hökmü hüquqi qərar olmaqla yanaşı, həm də tarixi, siyasi və mənəvi baxımdan ədalətin növbəti təntənəsidir. Separatçı rejimin liderləri onilliklər boyu beynəlxalq hüququn bütün norma və prinsiplərini tapdalayıb, Azərbaycan Respublikasının suverenliyinə qarşı silahlı qiyam həyata keçirib, mülki əhaliyə qarşı ağır cinayətlər törədiblər. Minlərlə insanın həyatına son qoyan, yüz minlərlə vətəndaşı doğma yurd-yuvasından didərgin salan bu şəxslər illərdir özlərini “siyasi fiqur” kimi təqdim etməyə çalışsalar da, əslində beynəlxalq hüquq baxımından cinayətkar olaraq qalırdılar. Onlar nəhayət, yol verdikləri insanlıq əleyhinə cinayətlərin hüquqi cəzasını aldılar".

A.Hüseynovun sözlərinə görə, Azərbaycanın ərazi bütövlüyünün bərpasından sonra başlayan hüquqi proseslər göstərdi ki, dövlət yalnız hərbi sahədə deyil, hüquq müstəvisində də prinsipial və qətiyyətlidir:

“Məhkəmə prosesi açıq, şəffaf və hüquqi prosedurlara uyğun aparıldı. Bu da separatçı liderlərin və onların havadarlarının “qisas”, “siyasi sifariş” kimi iddialarını tam şəkildə puça çıxardı. Ömürlük həbs hökmü bir daha sübut etdi ki, ağır hərbi cinayətlər, insanlığa qarşı əməllər və dövlətə qarşı silahlı üsyan cəzasız qalmır. Bu qərar eyni zamanda gələcək üçün ciddi mesajdır. Azərbaycan Respublikasına qarşı istənilən separatçı cəhd hüquqi müstəvidə qaçılmaz şəkildə cavablandırılacaq”.

A.Hüseynov qeyd edib ki, Azərbaycanın qətiyyəti və qatillərə törətdikləri əməllərə görə hökmün çıxarılması hazırda Ermənistanda azadlıqda gəzən Robert Köçəryan, Serj Sərkisyan, Seyran Ohanyan kimi əli Azərbaycan xalqının qanına bulaşmış müharibə cinayətkarlarına, eləcə də bütün revanşizm hissi ilə yaşayanlara, daşnaklara dərs olmalıdır:

"Onlar bilsinlər ki, Azərbaycan onlara gec-tez törətdikləri cinayətlərin cəzasını kəsəcək. 5 fevralda Bakı Hərbi Məhkəməsinin çıxardığı hökm bunun bariz sübutudur".

Yetkinlik yaşına çatmayan qızları hədəf alan şəbəkə qurmaqda ittiham olunan və həbsxanada ölü tapılan milyarder Ceffri Epşteynin vəfat etdiyi gecə ilə bağlı daha bir maraqlı məqam ortaya çıxıb.

“İksmedia” “The Daily Mail” qəzetinə istinadən xəbər verir ki, ABŞ Ədliyyə Departamentinin “Epşteyn işi” ilə bağlı açıqladığı genişmiqyaslı arxiv materiallarında maliyyəçinin 10 avqust 2019-cu ildə həbsxana kamerasında ölü tapılmasından bir gün əvvəl hazırlanmış və prokurorun onun ölümü barədə bəyanatının qaralamasından ibarət olan sənəd aşkar edilib.

“Səhər Manhetten İslah Mərkəzi təsdiq edib ki, Ceffri Epşteyn kamerasında huşsuz vəziyyətdə tapılıb və bundan qısa müddət sonra ölmüş elan edilib”, - Nyu-Yorkun Manhetten dairəsi üzrə prokuror Ceffri Bermanın 9 avqust 2019-cu il tarixli bəyanatında deyilir. 

Sənəddə bu hadisənin narahatlıq doğurduğunu və Epşteynin çoxsaylı qurbanlarının məhkəmə qarşısına çıxa bilməsi yolunda daha bir maneəyə çevrilə biləcəyi qeyd edilib.

Qeyd edək ki, daha əvvəl C.Epşteynin öldüyü gecə həbsxananın nəzarət kamerası ilə çəkilən videogörüntüləryayılmışdı. Lakin açıqlanan videoda 1 dəqiqəlik materialın çatışmazlığı çoxlu mübahisələrə və fərziyyələrə səbəb olub. ABŞ-nin baş prokuroru Pem Bondi isə bunu videokameranın lent dəyişdirmə prosesi ilə əlaqəli olduğunu deyib.