Ermənilər qazdıqları quyuya özləri düşdülər, indi quyuqazanı axtarırlar ki, dar ağacına çəksinlər

Kimliyindən asılı olmayaraq bütün insanlar-istər hökumət və dövlət başçıları, siyasətçilər, istərsə də sadə peşə sahibləri, bir iş görəndə, əvvəl gərək irəlini fikirləşsinlər, daha sonra isə geridə qalanları unutmasınlar. Bu gün Ermənistanda isyasətə qoşulanlar və 30 il əvvəl azərbaycanlıları uf demədən öldürərək torpaqlarını ələ keçirənlər dərin sarsıntı içərisindədirlər. O vaxtlar onların zəkasının bu günü düşünməyə gücü çatmamışdı. İndi isə o vaxt baş verənləri yaddan çıxarıblar.
İrəvan pis mənada qaynayır. Müxalifət və onların tərəfdarları, habelə beyinləri iyrənc ermənilik sindromu ilə zəhərlənmiş insanlar regionda sabitliyə aparan razılaşmanın üzərinə qara yaxmağa çalışırlar. Bəzi siyasətçilər yaranmış şəraitdən istifadə edərək hakimiyyəti ələ keçirmək siyasəti yürüdürlər. Kimlərsə ermənistanın baş naziri Nikol Paşinyanı dar asmağa çağırır. Gör, Ermənistanda mənəvi aşınma hansı dərəcəyə çatıb ki, din xadimləri də sülhün qarşısına sədd çəkməyə çalışırlar. İşğal etdikləri Azərbaycan torpağında tələm-tələsik “kişi” monastırı yaradaraq oraya baş keşiş təyin edilmiş Hovanis “ata” Hovanisyan öz facebook səhifəsində baş nazir Nikol Paşinyana müraciətlə yazır: “Qulaq as, Nikolik! Sən Karvaçarı (“Kəlbəcəri”-red.) öz dostlarına təhvil vermək üçün imza atanda məndən soruşmuşdun? Müqəddəs Arsax torpağında əcdadlarımızın tikdiyi Dadivəngi özünün tezbazar imzanla türklərə təhvil verəndə məndən soruşmuşdun? Sən kimsən? Qoy allah səni mühakimə etsin!”.
Keşişin bu ittihamı mənfur erməniliyin bariz nümunəsidir. Həmin o Vəng monastırı qədimlərdə alban kilsəsi olub. İndi həmin keşişdən soruşmaq gərəkdir ki, sənin əcdadların albanların mənəvi dəyərlərini oğurlayanda kimdən soruşmuşdular? Heç kimdən! Bax, indi ermənilərin düşdükləri quyunu, elədikləri cinayətlərə görə allahın verdiyi cəza kimi qəbul etsəniz, daha məntiqli olar.
Ermənistanın 5-6 ilə zəbt etdikləri torpaqları Azərbaycan 44 günə azad etməyi bacardı və bununla da Ermənistanın işğalçılıq siyasəti qarışıq bütün hərbi-siyasi və mənəvi həyatına ciddi zərbələr vurdu. “Maariflənən Ermənistan” müxalif fraksiyasının lideri Edmon Marukyan qeyd edir ki, əvvəlki Ermənistan daha yoxdur: “Bir şey birmənalı olaraq məlumdur ki, erməni xalqı uduzmadı. Hazırkı şəraitdə ölkə rəhbərliyi uduzdu”. Düzdür, Marukyan bu ittihamı Paşinyanın imzaladığı sənədə görə səsləndirir. Amma bu adam da ermənilik xəstəsidir və anlamır ki, Paşinyanın imzasında onun da məsuliyyət payı var. Axı, dəfələrlə sizdən soruşulub ki, özgə torpağında nə işiniz var? Əgər sizlərdə vicdan və ağıl adına nə isə olsaydı, onda vaxtında tarixi və reallığı düzgün qiymətləndirib,Azərbaycandan verilən təklifləri qiymətləndirərdiniz. Lakin siz bunu bacarmadınız, yəni Azərbaycanın qarşısında diz çökməyə məcbur oldunuz. Bu işdə xəyanət axtarmaq absurddur. Ona görə ki, buna siz məcbur oldunuz, ayrı çıxış yolunuz yox idi. Azərbaycan sizi məcbur etdi. Yoxsa, Ermənistanda dəyişiklik baş verməyəcəkdi, necə işğalçılıqla məşğul olurdunuz, eləcə də qalacaqdınız. Qozbeli qəbir düzəltdiyi kimi erməniləri də yalnız güc hesabına humanist etmək mümkündür. Sizlər sözə qiymət vermirsiniz. Məsləhət özünüzünküdür, ancaq yenə də yaxşı olar ki, Paşinyanla bu istiqamətdə söhbət aparasınız. Əks təqdirdə bu zəka ilə Paşinyanı hansısa ...yana dəyişsəniz, yenə quyudan çıxa bilməyəcəksiniz.
Məsələnin bu mahiyyətini Ermənistanın müdafiə naziri deyəsən anlayıb. Nədəndir ki, o, hökuməti ittiham edənlərə ictimai televiziyaya müsahibəsində cavab verib ki, Qarabağa görə satqınlıq ittihamı vermək mənasızdır. Onun sözlərinə görə, erməni hərbçiləri bu müharibədə mümkünsüz olanı ediblər. Müdafiə naziri dilə gətirməsə də, “mümkünsüz olanı” dedikdə, sözsüz ki, tam məhv olmaqdan qaça bildiklərini nəzərdə tutub. D.Tonoyan bildirib ki, müharibəni davam etdirməyə Ermənistanın heç bir resursu qalmamışdı.
Nikol Paşinyanın müavini Tiqran Avinyan da hökumətə qarşı çıxanları hədələyib: “Ölkədə vəziyyəti qarışdıranların qarşısı alınacaq”. Daha sonra o, hökumətin istefasını tələb edənləri xuliqan adlandıraraq deyib: “Qızğın döyüşlər getdiyi vaxt bu adamlar harada idilər. Axı, dəfələrlə onlara çağırış edilmişdi. Mənim aparat rəhbərim Şuşa uğrunda döyüşdə iştirak edib, iki əməkdaşım isə hazırda xəstəxanada müalicə alır. Bəs, bütün bu vaxtlar bu adamlar nə ediblər?”.
Hökumətin nümayəndəsi kimi, dolayısı olsa da, Avinyan Ermənistanda baş alıb gedən başıpozuqluğu etiraf edib: “90-cı illərin əvvəlində Azərbaycan hökumətində daxili narazılıqdan erməni hərbçiləri istifadə edə bildilər, indi eyni halı bizdə yaşatmaq istəyirsiniz?”.
Bu, baş nazir müavinindən xalis etirafdır ki, Ermənistanda da hökumət baş verənlərin öhdəsindən gəlmək iqtidarında deyil.
Keçmiş amerikalı həmsədr Metyu Brayza Azərbaycan, Ermənistan və Rusiyanın birgə imzaladıqları üçtərəfli bəyanatı Azərbaycan tarixində böyük diplomatik qələbə adlandırıb. Ermənistanın hərbi-siyasi dairələri nə qədər bəhanə gətirirlərsə gətirsinlər, Qarabağda zəfərin və Ermənistan işğalçılarının məğlubiyyətinin əsasında Azərbaycanın hərbi, siyasi və iqtisadi qüdrəti dayanır. Ermənilər bunu anlasalar, onda üçtərəfli bəyanatın ardınca Cənubi Qafqazda sülhün, daimi sabitliyin və tərəqqinin yolu sürətlə açılacaq.
N.NOVRUZ

Ermənilərə düşmən gərək deyil, onlar özləri özlərinə düşməndirlər, ən qorxulusu da budur

Müharibə bütün dəhşətləri ilə davam edir, amma sona çatmağına az qalıb. Rəşadətli Azərbaycan Ordusu inamla irəliləyir. Şəhərlərimiz və kəndlərimiz bir-birinin ardınca azadlığa qovuşur, torpağımız sinə dolusu nəfəs almağa başlayır. Adətən, bütün müharibələr zamanı hücum edən qoşun hissələrinin arxasında dayaq qoşunları yerləşdirilir. Bizim sülhsevər və zəhmətkeş xalqımızın dayaq nöqtələri quruculuq və abadlıq işləri görən əməkçilərdir. Azad olunan yerlərdə dərhal düşmənin dağıtdıqlarının bərpasına başalnılıb. Çünki yaratmaq və yaşamaq eşqi xalqımızda və dövlətimizdə çox güclüdür.
Düşmən geri çəkilir, özü də addım-addım yox, “dabanına tüpürüb” qaçaraq, nəfəsi tövşüyə-tövşüyə, dili bayırda ləhləyə-ləhləyə və qanı tökülə-tökülə. Bütün dünya, mhərbi ekspertlər, mütəxəssislər, siyasilər Azərbaycanın uğurlu hərbi taktikasından, yeni silahların inamla tətbiqindən, ruh yüksəliyindən, vətən eşqindən ağızdolusu və heyrətlə danışır. Amma bir düşməndən-ermənilərdən başqa. Yox, məlum məsələdir ki, düşmənimiz bizi vəsf etməli deyil. Ancaq bir həqiqət var ki, artıq onlar ay yarım əvvəlki təmas xəttindən 50-150 kilometr geri qovulublar və dayanmadan da geriləyirlər. Ancaq İrəvan mətbuatında yazırlar ki, “Qələbə bizimlədir!”.
Xaçatur adlı müəllifin qələmə aldığı “armenianreport.com” saytında dərc olunan məqaləsində deyilir ki, “fəxr etməyə nə isə var-erməni ruhunun gücü, onunla heç bir dron bacara bilməz!”. Bax, bu məsələdə Xaçaturla razılaşmamaq olmur. Həqiqətən dronlar ruhla bacarmazlar. Problem də elə bundadır. Çünki ermənilər ruhən xəstədirlər və onların düşməni “ermənilik”lə zəhərlənmiş ruhlarıdır. İşğal edilmiş Azərbaycan torpaqlarının uzun müddət əsarət altında qalmasının əsas səbəbi də bununla bağlıdır. Çünki yüksək humanist dəyərlərin daşıyıcısı olan Azərbaycanlı ruhu heç bir halda qan tökmək istəmirdi. Haqqın, ədalətin bərpasına sülh yolu ilə, problemə anlaşıqlı yanaşaraq həll etmək istəyirdi. Xəstə erməni ruhu bizə mane oldu. Elə bilirsiniz ki, bizim davamız təkcə torpağımızın azadlığı, qürurumuzun təsdiqi, xalqımızın və dövlətimizin şərəfi üçündür?! Bu meyarlar əsas olmaqla, bizim mübarizəmizin məqsədi daha genişdir. Biz azadlıq və qürurumuzla yanaşı “ermənilik” virusuna qarşı da mübarizə aparırıq, özümüzü bu virusdan qoruyuruq.
Prezidentimiz İlham Əliyevin müharibədə ordumuza komandanlıq edə-edə dünyanın dörd bir yanından gələn jurnalistlərə necə əhatəli və döyüşkən müsahibələr verməsini hamı təsdiqləyir. Gərgin zaman daxilində bu, sadəcə, müsahibə deyil, dünya ictimaiyyətinə erməniliyin mahiyyətini və dəhşətli virus olduğunu izah edən mükəmməl dərsdir. İş burasındadır ki, bəzən erməniliyin təsiri altına düşən və qərəzli suallarla Azərbaycanın dövlət başçısına müraciət edən jurnalistlər də öz taktikaları ilə erməniliyin ifşasına şərait yaradırlar. Nəticə də o olur ki, dünya xalqları əsl həqiqəti öyrənir və gözlərini açıb ətraflarını seyr edəndə erməniliyin onları hörümçək toru kimi bürüdüyünü görürlər. Təsadüfi deyil ki, Rusiya saytlarında “İlham Əliyev dünyada erməniliyin əsaslarını məhv edir” yazılır. Çünki bu zəhərdən onlar da zülüm çəkirlər.
Tezliklə müharibə bitəcək, ermənilər döyüşlərdə tam məğlub olacaqlar. Azərbaycan torpaqları azadlığın şirin dadını duyacaq. Ancaq bizim qələbənin bir bəhrəsi də o olacaq ki, düşmən ermənilər də qalib sayılacaqlar. Ona görə ki, onları zəhərləyən “ermənilik” virusu mutasiyaya uğrayacaq və xarakterini dəyişməli olacaq. Çünki ermənilər özləri anlayacaqlar ki, onlar hansı yola düşüblər. Döyüşlər zamanı əsgərlərimizə əsir düşən ermənilərin dediklərini diqqətlə analiz etmək gərəkdir. Gənc erməni oğlan deyir ki, Azərbaycan əsgərinin mənə qardaş deməsindən donub qaldım. Sonra həmin azərbaycanlı əsgərin silahsız vəziyyətdə erməni hərbçinin qarşısında dayanıb “bizim məqsədimiz sizi öldürmək deyil, indi istəyirsən məni öldür, ya da silahı aşağı salıb gizləndiyin yerdən çıx” deməsi düşməni, eyni mzamanda erməniliyin əsirini sarsıdır və o, azərbaycanlıya əsir düşməyə qərar verir. Bununla da ermənilik böyük zərbəyə məruz qalır. Nəticədə ermənilər erməniliyə qalib gələrək ondan qurtulacaq və pislikdən, “dənizdən dənizə böyük Ermənistan" kimi”saxta xülyalardan xilas olacaqlar. Azərbaycanın haqq mübarizəsi Ermənistan əhalisinə də azadlıq bəxş edəcək.
N.NOVRUZ

Paşinyan, sadəcə, siyasi hakimiyyətini itirməmək üçün “vuruşur”

Ermənistanın Azərbaycan qarşısında hərbi məğlubiyyəti artıq bütün ölkələrin siyasi dairələrinə məlumdur. 2,5 milyard dollarlıq silah-sursatı məhv edilən cırtdan bir ölkə belə güclü zərbə aldıqdan sonra müharibəni davam etdirə bilərmi? Az-çox savadı, dünyagörüşü və təcrübəsi olan insan üçün yox. Ola bilər ki, hansısa sadəlövh və ya höcət biri bu iddianı qəbul etməsin. Amma fakt faktlığında qalır. Mütəxəssislərin, hərbi ekspertlərin rəyinə və qiymətləndirməsinə görə itirilən hərbi sursatın yerini doldurmaq üçün Ermənistana 25 il vaxt gərəkdir. Bu da ki, mümkün olan iş deyil. Çünki, bu ölkə acından ölməmək üçün çalışır, daha silah almağa vəsaiti hardan alsın. Erməni lobbisi və diasporu isə nə qədər kömək etsə də, hər bir halda bir-iki günə 2,5 dollarlıq silah tədarükü görə bilməz. Deməli, məsələ aydındır.
Düşmən ölkənin baş naziri iki dəfə “rəhbərlik” etdiyi əhaliyə məğlub olduqlarını çatdıərmaq istəyib. Amma ermənilik zəhəri içmiş kütlə hələ ki, bu acını qəbul edə bilmir. Paşinyan da məcbur olub kütlənin arxasınca sürünür. Bir neçə gün əvvəl Ermənistan silahlı qüvvələrinin cəbhədə ağır məğlubiyyətə uğradığını etiraf edən baş nazir bildirmişdi ki, istəmədikləri halda ağır kompromislərə getməyə məcburdurlar. O, bununla əhalinin rəyini öyrənməyə çalışmışçdı. Amma dünyanın bütün mütəfəkkirlərinin təsdiqlədiyi kimi kütlə şüursuzdur. Yəni, bizim bir məsəldə deyildiyi kimi, “bir dəli bir quyuya daş atdı, amma yüz ağıllı yığışıb onu çıxara bilmədi”. Ermənistanda daha iki il əvvəlki vaxt deyil. Ölkədə, başda Paşinyan olmaqla elə bir şəxs yaxud vəzifə sahibi yoxdur ki, onun sözü ilə xalq hansısa tərəfə hərəkət etsin. Hamısı nüfuzdan düşüb, çünki xalq üçün yox, əcnəbi ağaları və özləri üçün işləyiblər. İndi erməni xalqı başıpozuq kütləyə çevrilib və yalnız ermjəniliyin xəstə təxəyyülü ilə hərəkət edirlər. Bu səbəbdəndir ki, Paşinyanın əhalinin “nəbziniu yoxlamaq” testinə dərhal Qraç Tomosyan adlı yazar baş nazirin əleyhinə yanıqlı bir məqalə həsr edərək xalqın adından deyir ki, yox, erməni xalqı heç bir güzəştə hazır deyil. “Axı, siz bizim Ali Baş Komandanımızsınız, artıq birinci dəfə olmadığı kimi əmr edin, vətənin minlərlə qoçaq müdafiəçisi ardınızca gələcək” deyə, Poqosyan pafosla bildirir. Görünür, bu pafosun nəticəsidir ki, Paşinyan və ətrafı könüllü dəstələrin yaradılması, qadınların hərbçi paltarı geyinib cəbhəyə yollanmaları haqda şağırışlar edib. Amma “oxları daşa dəyib”. Rəsmilər minlərlə yox, cəmi iki minlik bir dəstə yaradıb cəbhəyə göndərməyi planlaşdırıblar, ancaq cəmi 300 nəfər toplaya biliblər. Baş nazir olan ərindən guya dəstək olmaq həvəsinə düşən Anna Akopyan da ortaya atılanda minlərlə qadının cəbhəyə getmək arzusunda olacağını zənn edirdi. Amma onun ətrafına vur-tut 13 qadın toplaşıb və bu qüvvə ilə o, cəbhədə vuruşaraq qalib gələcəkləri barədə nağıllar uydurur.
Bu faktlar göstərir ki, cəbhədəki məğlubiyyəti Paşinyan artıq qəbul edib. Amma siyasi hakimiyyətdəki məğlubiyyətini etiraf etmək fikrində deyil və hakimiyyətdə qalmaq onun həm özünün, həm də əcnəbi təlimatçılarının ümdə arzusudur. Bütün bunların fonunda Ermənistanın siyasi həyatı olduqca təzadlı duruma düşüb. Azərbaycan Ordusunun qələbələri, işğalçıların torpaqlarımızdan qovulması, bir tərəfdən erməni xalqının xeyrinədir. Belə ki, onlar sorosçuların fitnəsindən qurtula, Azərbaycan və Türkiyə ilə kommunikasiya vasitələrinin, yolların açılması sayəsində sosial vəziyyətlərini yaxşılaşdıra bilərlər. Digər tərəfdən, ermənili düşüncəsinin girovunda olduqlarından “işğalçı” kimi bədnam addan qurtulmalarını, Azərbaycana görə düşdükləri iqtisadi blokadaya son qoyulmasıni dərk edə bilmirlər.
Daha bir məsələ, ondan ibarətdir ki, Rusiyadan Ermənistana hər gün müasir silahlar daşınır, anbarlara, hərbi mpoliqonlara, Rusiyanın Gümrüdəki hərbi nazasına yığılır. Bu amil də erməniləri aldadır. Onlar düşünürlər ki, vəssalam, daha silahlarımız var və vuruşmağa davam edə bilərik. Ancaq onlar unudurlar ki, silahların göndərildiyi ölkənin güclü lideri, Rusiyanın prezidenti Vladimir Putin lap bu günlərdə bildirib ki, Azərbaycanın öz ərazi bütövlüyünü bərpa etmək hüququ var. Belə olan təqdirdə, aydın başa düşülməlidir ki, Rusiya Azərbaycanın haqq işinin qarşısını almağa yardım etməyəcək. Bəs, onda bu silahlar niyə daşınır? Yəni, ölkə prezidentinin xəbəri olmadan bu cür silahların Ermənistana daşınması mümkündürmü? Çətin! Çox güman ki, Azərbaycanın ərazi bütövlüyünün bərpası ilə yanaşı Rusiya Ermənistanda yeni hərbi bazalarını yaradır və bu iş Azərbaycan Ordusu düşmən üzərində qələbəni elan edəndən sonra faş olacaq. Qoy, ermənilər sevinməsinlər. Azərbaycanın dövlət başçısının Ermənistan baş naziri haqqında kəskin ifadələr işlətməsi onun bu cür korazehinliyinə görədir. Bu adam dərk edə bilmir ki, onu və ölkəsini qarşıda nələr gözləyir. Əgər o, tezliklə və könüllü surətdə Ermənistan qoşunlarını Azərbaycandan qeyd-şərtsiz çıxarmasa, hakimiyyətdən öz arzusu ilə çəkilib getməsə, onun axırı çox faciəli ola bilər. Onda nə Sorosun, nə də sorosçuların bu adamı xilas etməyə gücü çatmayacaq. Paşinyan dərk etməli və deməlidir ki, “Qarabağ Azərbaycandır və nida!”.
N.NOVRUZ

Xalqına xidmət edən həkimlərimizdən biri -
Cəlilova Sevil Novruz qızı haqqında məlumat veririk.
Sevil Cəlilova i-11 noyabr 1986-cı ildə anadan olub.
Orta məktəbi 1993-2004-cü illərdə Kimya Biologiya təmayüllu liseydə başa vurub.
2004-2010 Azərbaycan Tibb Universiteti, II Müalicə-profilaktika fakültəsini botirib.
2010-2011 Mərkəzi Klinik Xəstəxana. Hematoloq-həkim,
2012-2017 Talassemiya Mərkəzi, Həkim hematoloq
2017-2019 Türkiyə Cümhuriyyəti. İstanbul Çapa Universiteti. Sağlık Bilimləri Enstitüsü. Pediatrik Hematoloji-Onkoloji Anabilim Dalı. Tezli Yüksək Lisans.
2018-2019 Türkiyə Cümhuriyyəti Altinbaş Universiteti. Medical Park Pediatrik Sümük İliyi Transplantasiyası şöbəsində ixtisaslaşma kursu.
Hazırda Milli Hematologiya və Transfuziologiya Mərkəzində Pediatrik Hematologiya şöbəsində şöbə müdiri.
Elmi İşinin mövzusu: Talassemiya və Oraq Hüceyrə Anemiyalı Xəstələrdə Transkraniyal Doppler
Ultrasonografiya.
Bir çox yerli və beynəlxalq konqrelərdə poster, şifahi məruzələr və çıxışlar etmişdir.
Beynəlxalq jurnallarda elmi məqalələri dərc edilib.
Qeyd etmək lazımdır ki, peşəkar həkim Sevil Cəlilovanın həyat yoldaşı,Cəlilov İlkin Yaşar oğlu isə cərrah həkim kimi ön cəhbədə xidmət göstətir.

xalqinfo.az