Azərbaycan ilə Qırğızıstan münasibətləri qədim tarixə malikdir. Belə ki, hər iki xalq eyni kökə, mədəniyyətə, qədim tarixi münasibətlərə və ənənələrə malikdirlər. Bundan başqa Azərbaycan və qırğız xalqlarını dil və din eyniliyi də birləşdirir.
Müstəqillik əldə etdikdən sonra bu münasibətlər daha da yüksələn xətlə inkişaf etməyə başlayıb. İki dövlət arasında diplomatik münasibətlər 19 yanvar 1993-cü ildə qurulub. Dövlətlər arasında sıx əlaqələrin yaradılması Ulu Öndər Heydər Əliyevin səyləri ilə baş tutub.
Azərbaycan Respublikasının Prezidenti İlham Əliyevlə Qırğızıstan Respublikasının Prezidenti Sadır Japarovun 2022-ci il 20 aprel tarixində geniş tərkibdə görüşü zamanı Azərbaycan-Qırğızıstan münasibətlərinin strateji tərəfdaşlıq səviyyəsinə çatdığı bir daha vurğulanmışdır.
Artıq qarşılıqlı münasibətlərin keyfiyyətcə yeni səviyyəyə çatdırılması üçün dövlətlərarası şura da yaradılmışdır. İlk növbədə nəqliyyat infrastrukturunun və Şərq-Qərb nəqliyyat dəhlizinin daha səmərəli fəaliyyət göstərməsi üçün səylərin birləşdirilməsi tərəflər üçün şox fayda verə bilər. Azərbaycanda yüklərin müxtəlif istiqamətlərdə daşınmasına imkan verən müasir geniş nəqliyyat infrastrukturu yaradılıb və bu imkanlardan Qırğızıstan da istifadə edə biləcəkdir. Həmçinin kənd təsərrüfatı sahəsində perspektiv əməkdaşlıq əlaqələri daha da möhkəmlənəcək, bu sahənin mütəxəssisləri yaxın vaxtlarda Qırğızıstana səfər edəcəklər.
Azərbaycan şirkətlərinin müasir enerji müəssisələrinin, elektrik stansiyalarının, o cümlədən istilik elektrik stansiyalarının yaradılmasında müəyyən təcrübəsi var. Bu təcrübədən Qırğızıstan iqtisadiyyatının enerji sektorunda Azərbaycan şirkətləri tərəfindən istifadə edilə bilər.Eyni zamanda qeyd edilməlidir ki, dövlətlərarası münasibətlərdə humanitar sahə həmişə mühüm yer tutub. Sevindirici haldır ki, Azərbaycanın qədim Şuşa şəhərinin gələn il türk dünyasının mədəniyyət paytaxtı elan olunması təşəbbüsünü Qırğızıstan dəstəkləyib və bu çox müsbət hal kimi dəyərləndirilir.

Mürvət Abbasov 

tarix üzrə fəlsəfə doktoru,

Masallı şəhər “Dəfinə” məktəb-liseyi

Hər bir xalqın ana dili onun varlığının ən başlıca göstəricisi, özünütəsdiqidir. Ana dili
xalqın, millətin özünəməxsusluğunu, tarixi keçmişi və mədəniyyətini, dünyagörüşünü
özündə daşıyan, əsrlərdən-əsrlərə çatdıran əvəzsiz milli sərvətdir.
Azərbaycan xalqının ümummilli lideri Heydər Əliyev ana dilinin böyük qayğıkeşi və
hamisi idi.Ulu Öndərin sarsılmaz iradəsi və ciddi səyləri ilə 1978-ci il Azərbaycan
SSR-nin Konstitusiyasına “Azərbaycan SSR-nin dövlət dili Azərbaycan dilidir”
maddəsinin daxil edilməsini xüsusi qeyd etmək lazımdır.
Ümummilli lider Heydər Əliyevin rəhbərliyi ilə işlənib hazırlanmış və 12 noyabr 1995-
ci ildə ümumxalq səsverməsi yolu ilə qəbul olunmuş Azərbaycan Respublikasının
Konstitusiyasına “Dövlət dili” adlanan ayrıca maddə daxil edildi.Azərbaycan xalqının
ümummilli lideri Heydər Əliyevin böyük önəm verdiyi dil siyasəti Prezident İlham
Əliyev tərəfindən uğurla davam etdirilir.Müasir Azərbaycan ədəbi dili siyasi-ictimai
elmi-mədəni sahələrdə geniş işlənmə dairəsinə malik yüksək yazı mədəniyyəti olan
və daim söz ehtiyatını zənginləşdirən bir dildir.Beləliklə, bütün bu deyilənlər müstəqil
Azərbaycan Respublikasında ana dilinə dövlət səviyyəsində böyük diqqət və qayğı
göstərildiyini bir daha təsdiqləyir.
Hələ sovet dövründə ana dilimizin qorunması və inkişaf etdirilməsi, Azərbaycan
dilinin dövlət dili statusunun təmin edilməsi ilə bağlı ümummilli lider Heydər Əliyev
tarixi faktlar gerçəkləşdirmişdi. Məhz Ulu Öndərin qayğı və diqqəti nəticəsində o
dövrdə Azərbaycan dili ölkəmizdə dövlət dili kimi rəsmiləşmişdi.
Dahi şəxsiyyət, ümummilli lider Heydər Əliyevin səyi və təşəbbüsü ilə 1978-ci il
aprelin 27-də Azərbaycan SSR Konstitusiyasına “Azərbaycan SSR-nin dövlət dili
Azərbaycan dilidir” maddəsi yazılıb. Azərbaycan SSR-in 1978-ci il Konstitusiyasına
Azərbaycan dilinin dövlət dili kimi daxil edilməsi və təsbit olunmasından sonra
Azərbaycan dilinin istifadəsində və inkişafında yeni mərhələ başladı. Ulu öndər
Heydər Əliyevin milli dil quru­culuğu sahəsində gördüyü işlər həm miqyası, həm də
məzmunu etibarilə müqayisəsizdir.
Güldəstə Abuzərova

Masallı Dövlət Regional Kollecinin tələbəsi

İdman gələcək nəslin sağlam genofondunun təməlində ən önəmli vasitələrdəndir. Bu səbəbdən ölkəmizdə idmanın dəyəri hər zaman yüksək qiymətləndirilir, gənclərin müxtəlif idman növlərinə yiyələnmələri, asudə vaxtlarının səmərəli keçirmələri və peşəkar səviyyədə idmanla məşğul olub uğurlu kariyeraya sahib olmaqları üçün hər bir şərait yaradılır. Ölkəmizdə idman sahələrinin hər birinə xüsusi diqqət ayrılır ki, bunlar içərisində güləş mühüm yer tutur. Bu gün əldə edilən uğurların təməlində gənc nəsilin vətənpərvərlik ruhunda yetişdirilməsinin vacibliyini vurğulayan dövlət başçımız bildirmişdir: "Gənc nəsil mütləq vətənpərvərlik ruhunda tərbiyə almalıdır, milli dəyərlər əsasında tərbiyə almalıdır və Azərbaycan dövləti buna nail olmaq üçün bütün imkanlardan istifadə edir. Bir neçə gün əvvəl Macarıstanın paytaxtı Budapeştdə keçirilmiş Avropa çempionatında güləşçilərimiz böyük qələbə ilə Vətənə qayıtmışlar. Belə ki, 16 medal qazanmış idmançılar bir daha Azərbaycanın idman şöhrətini yüksəklərə qaldırmışlar. İdman sahəsində əldə edilmiş nailiyyətləri hər zaman yüksək qiymətləndirən cənab Prezident İlham Əliyev Aprelin 8-də Güləş üzrə Avropa çempionatında iştirak edən Azərbaycan millisinin üzvlərini qəbul edib. Cənab Prezident çıxışında bu tarixi uğuru yüksək qiymətləndirərək bildirmişdir: "Həm gənclər, həm böyüklər arasında Avropada birinci yeri tutmaq böyük nailiyyətdir və bu onu göstərir ki, güləşdəki ənənələrimiz yaşayır və güclü gənc nəsil yetişir. Əldə olunan uğurlar ölkəmizin və idmanımızın beynəlxalq nüfuzunu artırır". Zəfər qazanmış ölkənin idmançılarının bu uğurları təqdirəlayiqdir. Çünki rəşadətli Azərbaycan ordusunun döyüş meydanındakı uğurunun davamını biz beynəlxalq arenada qazanan idmançılarımızdan görürük.
Ölkə təmsilçilərinin qələbəsindən sonra dövlət bayrağının qaldırılması, himninin səsləndirilməsi 44 günlük müharibəni qələbə ilə bitirən Azərbaycanın hər bir vətəndaşı üçün qürurvericidir. Bu gün igid oğullarımızın tarixi zəfər ilə qürurlanarkən, idmançılarımızın da öz vəzifələrini layiqincə yerinə yetirərək bizi davamlı qələbə sevincini yaşatdıqları üçün təşəkkür edirik.

Qoşqar Əliyev

Masallı rayon Təzə Alvadı kənd sakini

Masallı şəhəri Heydər Əliyev Mərkəzində Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi, Masallı Rayon İcra Hakimiyyəti və Qafqaz Müsəlmanları İdarəsinin Masallı rayonu üzrə qazılığının birgə təşkilatçılığı ilə pandemiya qaydalarını gözləməklə 31 mart Azərbaycanlıların Soyqırımı Günü və Ramazan ayının başlanması ilə əlaqədar tədbir keçirilib.

Tətbirdə DQİDK Masallı bölgəsi üzrə şöbəsinin müdiri Elvin Hüseynli,Qafqaz Müsəlmanları İdarəsinin Masallı rayonu üzrə qazısı Rəşid Talıbov, Masalı rayon icra hakimiyyətinin İctimai-siyasi və humanitar məsələlər şöbəsinin müdir müavini- dini işin təşkilatçısı Abbas Abbaszadə, KİV nümayəndələri, dini icma sədrləri və din xadimləri iştirak edib.

Tədbirdə Vətən müharibəsi şəhidləri xatirəsi yad edilib.

DQİDK Masallı bölgəsi üzrə şöbəsinin müdiri Elvin Hüseynli çıxışında bildirdi ki, 1918-ci ildə Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hcıqqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələri azarəbaycanlılara qarşı soyqırımı törədiblər. Mart qırğınları zamanı ermənilər bir çox qədim binaları, tarixi abidələri, ziyarətgahları və məscidləri dağıdıblar. Natiq daha sonra qeyd etdi ki 1918-ci il martın 26-da ümummilli lider Heydər Əliyev “Azərbaycanlıların soyqırımı haqqında” fərmana əsasən 31 mart Azərbaycanlıların Soyqırımı Günü kimi qeyd olunduğunu diqqətə çatdırıb.

Qafqaz Müsəlmanları İdarəsinin Masallı rayonu üzrə qazısı Rəşid Talıbov qeyd etdi ki, qarşıdan Ramazan ayı gəlir, bununla əlaqədar Qafqaz Müsəlmanları İdarəsinin Qazılar Şursası fətva vermişdir. Daha sonra o, Ramazan ayında qarşıda duran vəzifələrdən söhbət açdı.

Əlihwseyn ŞÜKÜROV