Mart ayının 1-də Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclaslarında çıxış edən Prezident İlham Əliyev deyib: “Cənub Qaz Dəhlizi artıq 3 ildir ki, fəaliyyətdədir. Bu layihə həqiqətən də uğur hekayəsidir. Bu, Avrasiyada ən böyük infrastruktur layihələrindən biridir. Uzunluğu 3500 kilometr olan inteqrasiya edilmiş boru kəməri sistemi olan bu layihə enerji təhlükəsizliyi və əməkdaşlıq layihəsidir. Cənub Qaz Dəhlizinin keçdiyi marşrut boyunca yerləşən bütün ölkələr arasında əməkdaşlıq olmasa, bu layihənin həyata keçirilməsi mümkün olmazdı”.
CQD layihəsi işə salınmazdan xeyli əvvəl, 2017-ci ildə Avropa İttifaqı Şurasının prezidenti olan Donald Tusk verdiyi bəyanatda bildirmişdi: “Azərbaycan Avropa İttifaqı üçün mühüm tərəfdaşdır. Biz enerji sahəsində etibarlı və strateji tərəfdaşlığımıza əsaslanaraq işbirliyimizi daha da artırmaq istəyirik. Azərbaycan Avropanın enerji təhlükəsizliyi və təchizatının şaxələndirilməsi üçün mühüm əhəmiyyət kəsb edir. Bizim Cənub Qaz Dəhlizini tamamlamaq üçün ortaq öhdəliyimiz var. Bu, faktiki olaraq hər iki tərəf üçün əsas prioritetdir”.
CQD tikilməyə başlayandan təcrübəli ekspertlər bu kəmərin siyasi və iqtisadi əhəmiyyətini yüksək qiymətləndirirdilər. Bu gün artıq bu hipotezlər reallığa çevrilib və Cənub Qaz Dəhlizinin iqtisadi dividentləri olduqca yüksəkdir. Həm də bu təkcə Azərbaycana deyil, kəmər boyunca yerləşən ölkələrə əhəmiyyətli gəlir gətirir. Məsələn, TAP qaz kəməri işə salınana qədər Albaniya mavi yanacaq idxal etməyib. Ancaq 2020-ci ildə bu nəqletmə xətti işə salınandan sonra ölkənin beynəlxalq qaz nəqli sisteminə inteqrasiyası baş verib. Belə ki, TAP-ın 215 km-lik hissəsi Albaniya ərazisindən keçir. Məlumdur ki, 2027-ci ilədək Azərbaycan Avropaya qaz təchizatını 2 dəfə artırmaq öhdəliyi götürüb. Bu, Azərbaycana böyük gəlir gətirir. Eyni zamanda ölkəmiz Albaniya, Şərqi Avropaya daxil olan bir neçə ölkənin qaz və enerji təchizatında böyük paya sahib olub. Albaniyanın TAP-dan əldə etdiyi faydalar həm iqtisadi, həm də regional enerji çıxışı və qovşağı kimi onun strateji əhəmiyyətinin artırıb.
İqtisadi əlaqələrə təbii qaz nəqlində əməkdaşlıqla başlayan iki ölkə artıq bu çərçivədə qalmaq fikrində deyil və daha geniş spektrdə yeni iqtisadi əlaqələr qurmaq üçün yüksək səviyyəli görüşlərin intensivliyini artırıb. Hər iki ölkənin prezidentlərinin qarşılıqlı səfərləri dostluq və qarşılıqlı anlaşma şəraitində keçib və nəticədə Azərbaycan-Albaniya iqtisadi, sənaye və texnoloji əməkdaşlıq üzrə İşçi Qrupu yaradılıb. Artıq qrupun hər iki ölkədə iclasları keçirilib, niyyət protokolları imzalanıb.
“Cənub Qaz Dəhlizi” XXI əsrin ən innovativ layihələrindən biridir. Məsələ burasındadır ki, layihənin təşəbbüsçüsü və əsas iştirakçısı Azərbaycandır. Bu səbəbdən layihə işə düşəndən sonra kifayət qədər yüksək divident gətirib. Çünki, bu kəmər Avropanın qaz idxalına yeni bir nəfəs verib. Artıq bu amili Avropa ölkələri görür və dəyərləndirirlər. Bu səbəbdən də Azərbaycanın siyasi və iqtisadi nüfuzu yüksələn xətlə inkişaf edir. Gürcüstan və Türkiyədən keçməklə Avropaya uzanan kəmərin keçdiyi ölkələrdə də Azərbaycan haqda təsəvvürlər aydınlaşır və ölkənin malik olduğu həqiqi güc və nüfuz əyan olur. Avropanın enerji təhlükəsizliyi konsepsiyasında Azərbaycanın rolu sürətlə artır. Çünki, neftlə yanaşı, Avropaya Azərbaycan qazı da ixrac olunur. Бu, böyük siyasi və iqtisadi çəkiyə malikdir. Bütün bu işlərin həyata keçirilməsi Azərbaycanın regionda əsas geostrateji ölkə olduğunu bir daha qabardır.

Novruz NOVRUZOV

AzVP-nin Siyasi Şurasının sədri

İki həftə əvvəl Münxen Təhlükəsizlik Konfransında çoxlu sayda dövlətlərin rəhbərləri və ya nümayəndələri ilə görüşlər keçirən Azərbaycan Prezidenti İlham Əliyev fevralın fevralın 28-də Bakıda Alman İqtisadiyyatının Şərq Komitəsinin sədri Mixael Harmsın rəhbərlik etdiyi nümayəndə heyətini qəbul etməsi əvvəldən planlaşdırılmış görüş sayıla bilməz. Bir fakta diqqət yetirmək lazımdır ki, Münxendə əksər dövlətlərin nümayəndələri Azərbaycanın dövlət başçısı ilə görüşə öz təşəbbüsləri ilə gəlmişdilər. Təbii ki, bu cür diqqət ölkəmizin Cənubi Qafqazdakı liderlik mövqeyinə və ümumiyyətlə qlobal siyasətdə oynadığı rasional fəaliyyətinə söykənir. Alman nümayəndə heyətinin gəlişini təhlükəsizlik konfransında aparılmış müzakirələrin davamı sayılmalıdır. Üstəlik, alman parlamentinin üzvünün təşəbbüsü ilə haqsız olaraq Avropa Şurasında Azərbaycanın səs hüququndan məhrum edilməsinə görə bu səfəri üzrxahlıq amili kimi də qiymətləndirməkolar.
Atrıq heç kimə sirr deyil ki, Avropada “Avropa Birliyi” adlı bir xristian klubu yaradılıb və bu birlik dünyaya öz dini baxışları konsepsiyasından yanaşır.
Prezident İlham Əliyev dəfələrlə Qərbin ikili standartlar söykənən siyasətini ifşa edən çıxışlar edib. Alman nümayəndə heyəti ilə budəfəki görüşdə isə o, indiyədək dediklərini konkret faktlar əsasında sistemli şəkildə ifadə edib. Söhbət siyasətdə ayrı-seçkiliyin mənfi təzahüründən gedir. Prezidentin görüşdə dediyi “Cənubi Qafqazda ayırıcı xətlərin qurulması cəhdlərini görürük. Bununla bağlı Azərbaycanda bir çox insanlar belə düşünürlər ki, Avropa institutları tərəfindən Cənubi Qafqazda Gürcüstan və Ermənistanı çox yaxın qəbul etdikləri, Azərbaycanın isə demonizə edildiyi bir şəraitdə yeganə çıxış yolu bizim İslam dinimizdir” fikri təsadüfi deyil və Qərbin Azərbaycana münasibətindən doğan məntiqi nəticədir.
Prezidentin səsləndirdiyi fikirlər Qərbin yürütdüyü siyasətin iç üzünü bütün çılpaqlığı ilə göstərir və dünyanın yeni siyasi düzənində necə hərəkət etməli olduqlarını izah edir. “Rusiya indi nəyin baş verdiyini yaxşı anlayır və yeni reallıqları qəbul edir. ABŞ və Fransa da eyni cür hərəkət etməlidirlər. Əks təqdirdə, vəziyyət onların planlaşdırdığı kimi olmayacaq. Bu ölkələr Cənubi Qafqazda buranın aparıcı ölkəsi, iqtisadiyyatı, ordusu, geniş beynəlxalq əlaqələri olan Azərbaycan ilə işləməlidirlər” –deyə, İlham Əliyev dünya siyasətinin aparıcı ölkələrinə çatdırır ki, Azərbaycan sizin müstəmləkəniz deyil və qlobal siyasətdə öz sözü və yeri olan ölkədir. Ona yuxarıdan aşağı baxmaq olmaz. Bu cür fikirləri səsləndirmək sadəcə cəsarət məsələsi deyil, beynəlxalq siyasi arenada kifayət qədər nüfuz qazanmağın və siyasətdə özünəməxsusluğun ifadəsidir.
Prezident İlham Əliyevin bu çıxışını bütövlükdə dünyanın yeni düzəni kontekstində dinc yanaşı yaşamağın siyasi konsepsiyası saymaq olar və Qərbin Cənubi Qafqaz siyasətində korrektə etməsi üçün ən səmərəli istiqaməti ehtiva edir.
Novruz NOVRUZOV

AzVP Siyasi Şurasının sədri

AXCP Rəyasi Heyətinin üzvü Aqil Əli Məhərrəm bildirib ki, "Ölkədə bütün azadlıqlar demək olar ki, ləğv edilib. Mitinq meydanları qapadılıb. Bircə xüsusi günlərdə edilən ziyarətlər qalıb, get-gedə onu da qadağan etməyə çalışırlar.

Məsələyə münasibət bildirən Azad Vətən Partiyasının Siyasi Şurasının sədri Novruz Novruzov bunları deyib: "AXCP öz fikrində nə isə düşünə bilər. Amma məsələ belədir ki, müasir siyasətdə reallıqlar tamam başqa istiqamətdə cərəyan edir. Biz qərbin, insan hüquqlarının mənbəyi saydığımız Fransanın hərəkətlərini, ikiüzlü siyasətini, riyakarlıq etdiyini dəfələrlə görmüşük. Belə olan şəraitdə bunlar azadlıq nəyə deyirlər? Biz fikrimizi ifadə bilirik, mətbuat, radio, televiziya var. Həmin o şəxs özü də nə istəyirsə deyir. Hətta dediyi “Bizdə azadlıq yoxdur” sözü də fikrini açıq şəkildə ifadə etməsinə nümunədir. Əgər bunlar varsa, hansı təcridetmədən, yaxud qadağadan söhbət gedə bilər?

Söhbət azadlığı necə başa düşməkdən və azadlıq uğrunda göstərilən fəaliyyətin nəyə xidmət etməsindən gedir. Biri var ki, ölkənin imicinə zərbə vurmaq üçün xidmət edilir, biri də var ki, həqiqi azadlıq tələb edirsən. Məsələ burasındadır ki, azadlıq, demokratiya qanunların hakim olması deməkdir. Əgər qanunlara əməl olunsa bütün dediyimiz məsələlər öz həllini tapa bilər. Azadlıq fikri geniş başa düşülməlidir. Fikir azadlığı, düşüncə azadlığı, insanın özünün fərdi hazırlığından asılıdır. Məhərrəmli nəyi nəzərdə tutub bilmirəm. Mitinq etmək istəyirsə, mitinqin mövzusu müasir inkişaf səviyyəsi ilə uzlaşırsa, bu olur. Yox əgər qanun pozuntusu ilə müşayiət olunursa və bunun qarşısı alınırsa, bu azadlığın qadağan olunması demək deyil. Qanun pozuntusunun qarşısının alınması deməkdir".
Müəllif: Rəşid Qarayev

sia.az

Ötən əsrin ən böyük faciələrindən biri kimi tarixdə iz salan Xocalı soyqırımı bəşəriyyətin ən
amansız vəhşiliyidir. Hər il faciələrimizin ildönümləri ilə bağlı istər vətəndə, istərsə də, xarici
ölkələrdəki cəmiyyətlərimiz və milli təşkilatlarımız tərəfindən anım tədbirləri keçirilir.
Xocalı soyqırımının beynəlxalq aləmdə hüquqi və siyasi cəhətdən qiymət alması, onun təşkilatçı-
ları və icraçılarının cəzalındırılması gələcəkdə belə qəddar aktların təkrarlanmaması üçün ilboyu ardıcıl işlər aparmalıyıq.

Xocalı faciəsinin 32 illiyi ilə əlaqədar anım mərasimini xalqımızın, ordumuzun və dövlətimizin qüdrəti sayəsində erməni işğalından azad edilmiş Xocalı şəhərində keçirən Prezident İlham Əliyev dünya ictimaiyyətinə önəmli mesajlar ünvanlamışdır. ““Xocalıya ədalət!” çağırışımız cavabsız qaldı. Cəmi 18 ölkə bizim səylərimizin nəticəsi olaraq bu qanlı faciəni soyqırımı kimi tanımışdır. Ancaq bu ölkələrin arasında böyük dövlətlərin adları yoxdur. Beynəlxalq təşkilatlar, onların bir çoxu bu faciəyə biganə qalmışdır”. Dövlət başçısının bu sözləri Fransa və Cənubi Qafqaz regionunu qarışdırmaq istəyən, hələ də imperialist ovqatı ilə yaşayan digər ölkələrə açıq ittihamdır. Başqa xalqların istismarı hesabına özləri üçün firavan həyat qurmağa çalışanların haqq-ədalət və demokratiyadan danışmağa haqqı yoxdur. İrqi və milli ayrı-seçkilik zəminində insanların qətliamını müdafiə edənlərə bu gün beynəlxalq aləmdə yer olmamalıdır. Təəssüf ki, dünyada siyasəti bu gün güc üzərində cərəyan edir.
Dünya birliyinin ən güclü və inkişaf etmiş dövlətləri anlamalıdırlar ki, Xocalı soyqırımı təkcə bir şəhərin faciəsi deyil, bu, təkcə xalqımızın tarixinə yazılmış müdhiş səhifə deyil, həm də bəşəriyyətin vicdanına həkk olunmuş qara ləkədir.
Azərbaycanın dövlət başçısının iştirakı ilə Xocalı soyqırımı qurbanlarının xatirəsini əbədiləşdirmək üçün Xocalıda Memorial Kompleksinin təməli qoyulub. Bu abidə dünya birliyinin Xocalı soyqırımını tanıması və təsbit etməsi, habelə erməni faşistləri başda olmaqla dünyadakı fsşist təfəkkürlü bütün cəlladlara qarşı mübarizənin rəmzinə çevriləcək.

Novruz Novruzov

AzVP-nin İSiyasi Şurasının sədri