Fransanın hazırkı dövlət başçısı Emmanuel Makron gələn ilki prezident seçkilərində namizədliyini indiyə qədər bəyan etməsə də, onun partiyası artıq ianə “ovuna” çıxıb. İR həm kiçik töhfə verənləri, həm də böyük patronları hədəfə alıb. Real vəziyyət belədir ki, sonuncular 2017-ci ilə nisbətən indi daha istəksizdirlər.
Bu məsələ barədə yazan “Le mond”un jurnalistləri Olivier Faye və Elza Koneza qeyd edirlər ki, Emmanuel Macronun kampaniyası üçün traktat: "Daha beş il ianələriniz sayəsində" traktatı irəli sürülüb.
Partiyanın öz himayədarları üçün çap etdiyi vərəqədə yazılıb: “Siz 2017-ci ildə 100.000 donor idiniz, 2022-ci il üçün də biz sizə güvənirik! Düşünməyin ki, dövlət başçısı hələ də özünü təkrar seçkiyə namizəd elan etməyib. Kampaniya improvizə edilə bilməz”.
Fransada seçki kampaniyası üçün qanunla 22,5 milyon dollar xərcləməyə icazə verilir. Prezident partiyası bu məbləğin 10 milyonunu bank kreditlərindən, siyasi partiya olaraq dövlət maliyyəsindən alacaq. Yerdə qalan 5 milyonu isə donorların “qulağını kəsməklə” yığmaq fikrindədir.
İR-nın ianələr yığan assosiasiyasının xəzinədarı, Val-de-Marne departamentindən millət vəkili Loğan San-Martən bildirib: “Biz heç vaxt üzvlük üçün ödəniş etməmişik, buna görə vəsait yığımı vacibdir”.
Aydın görünür ki, məsələ göründüyündən daha çox siyasidir. Simvolik ianə verənlər də daxil olmaqla, çoxlu sayda ianə toplamaq, böyük donorları, səxavətli milyonçuları və milyarderləri cəlb etməklə namizədin xeyrinə təbliğata dinamika ğətərə bilər.
P.S. Heç şübhəsiz bu cür nikbin əhval-ruhiyyə partiya funksionerlərinə məxsusdur. Belə ki, E.Makronun prezidentliyi dövründə Fransada olduqca cidi aksiyalar, etiraz nümayişləri keçirilib. Bu isə seçicilərin əhval-ruhiyyəsidir və son nəticədə onların sözü əsas ola bilər.
İKSmedia.az

Yeni Azərbaycan Partiyasının qurucusu, böyük dövlət xadimi Heydər Əliyevin YAP- ı yaradarkən qarşıya qoyduğu məqsəd və vəzifələr, demək olar ki, bütünlüklə artıq yerinə yetirilib. Bunlar ölkəmizdə ictimai-siyasi sabitliyin bərpa olunması, dövlətçiliyimizin möhkəmləndirilməsi, milli maraqlarımızı beynəlxalq münasibətlər sistemində müdafiə edə bilən xarici siyasət strategiyasın formalaşdırılması , milli rəqabətqabiliyyətli iqtisadiyyatın yaradılması, müstəqil siyasətin həyata keçirilməsi və ən əsası, ərazi bütövlüyümüzün bərpa olunması ilə bağlı olan prinsiplər idi. Azərbaycan Prezidenti , partiyamızın Sədri cənab İlham Əliyev 44 günlük Vətən müharibəsində əldə etdiyi tarixi Zəfərlə Azərbaycan xalqının , eyni zamanda , Yeni Azərbaycan Partiyasının ən mürəkkəb və ən çətin, ancaq həm də ən ali məqsədini reallaşdırmış oldu. Azərbaycan möhtəşəm qələbə qazanaraq həm tarixi ədalətin, həm də ərazi bütövlüyünün bərpasına nail oldu. Şübhəsiz, Azərbaycanın əldə etdiyi tarixi zəfəri şərtləndirən bir sıra mühüm əhəmiyyətli amillər var ki, onların da başında hər şeydən əvvəl lider amili gəlir. Tarixi təcrübə və bugünki ən yeni reallıqlar bir daha təsdiq edir ki, qələbəni yalnız güclü iradəyə sahib, qətiyyətli ,cəsur qərarlar qəbul edən, milli maraqları hər şeydən üstün tutmağı və həm də onu qorumağı bacaran liderlər qazana bilirlər. 44 günlük Vətən müharibəsi tarixində Azərbaycan xalqı öz liderində bütün bu keyfiyyətləri bir daha gördü. Ancaq bunu təkcə Azərbaycan xalqı deyil, dost da, düşmən də bütün dünya gördü. Azərbaycan xalqı öz mübarizəsi ilə işğala məruz qalan, haqqı əlindən alınan xalqlara bir örnək oldu, bütün dünyaya ədaləti, beynəlxalq hüququ necə bərpa etməyi göstərdi. Ancaq bunun üçün milli gücün məqsədyönlü şəkildə səfərbər olması şərti də var ki, bu da yenə əsas etibarilə lider amili ilə bağlıdır. Beləliklə də, istər xalqımızın, istərsə də Yeni Azərbaycan Partiyasının həyatında bir tarixi mərhələ geridə qaldı . Hazırda isə əldə etdiyimiz tarixi qələbəmiz yeni reallıqlar yaradıb və Yeni Azərbaycan Partiyası da elə bu reallıqlardan çıxış edərək, özünün yeni fəaliyyət proqramını müəyyənləşdirirək yoluna davam etməkdədir.

Yeni Azərbaycan Partiyası çoxmillətli, çoxkonfessiyalı ölkə olan Azərbaycanda milli həmrəyliyin daha da möhkəmlənməsi istiqamətində fəallığını daha da artıracaq. Partiyamız bundan sonra da dövlət müstəqilliyinin möhkəmləndirilməsi işlində daha məsuliyyətlə və fəallıqla çalışacaq.

Gülşən Xəlilova

YAP Masallı RT-nın fəal üzvü

Bu günlərdə işğaldan əvvəl Ağdamda yaşayan, yaxud Ağdamda doğulub başqa məkanda məcburi köçkün statusu ilə böyüyən bir qrup sakin doğmaq şəhərə səfər erdi. Cəmi bir gün çəkən səfər böyük və daimi olan gözəl təəssüratlar doğurdu. Həyəcan, sevinc, keçmiş xatirələrin ifadəsi yol boyu, xüsusilə də şəhərin ərazisində coşub daşırdı. Səfərdaşlar bəlkə də həyatlarının ən unudulmaz hadisəsini yaşayırdılar. İlk olaraq insanlar evlərini və əzizlərinin qəbirlərini axtarırdılar. Bir-birinə qarışan səfər sevinci ilə xatirə kədəri bəzi sakinlərdə göz yaşlarına çevrildi. Lakin, ümumilikdə, vəziyyətə paradoksal ruh yüksəkliyi hyakim idi. Çünki, bugünkü Ağdamın xarabalıqları bizim üçün tarixi və mədəni irs nümunəsi idi. Qeyd etmək vacibdir ki, səfər "Bir könüllü" ictimai təşkilatı və Azərbaycan Prezidentinin Ağdam Rayonu üzrə Nümayəndəliyinin birgə təşkilatçılığı ilə təşkil olunmuşdu. Buna görə, təşkilatçılara "bir könüldən min könülə" möhtəşəm təşəkkür düşür.             

Yeri gəlmişkən, bir məsələni də xatırlamaq, məncə, vacibdir. Bir neçə gün əvvəl sosial şəbəkələrdə Prezidentin Ağdam rayonu üzrə nümayəndəliyinin ünvanına böhtan xarakterli informasiya yayılmışdı. Guya, Ağdama gələn ziyarətçilərdən 35 manat "torpaqbasdı" alınır, Nümayəndəlik Şahbulaq qalasında restoran açıb, kababın şişini 7 manata, dönəri 5 manata satır və sairə. Qeyd edilən səfərdə "iksmedia.az" saytının əməkdaşı da iştirak edib və faktları yerində yoxlayıb. Məlum olub ki, deyilənlər böhtandan başqa bir şey deyil və hazırda işğaldan azad edilmiş ərazidə görülən işlərin xarakterinə kölgə salmaq məqsədilə yayılır. Amma, bunu yayanlar korazehin olduqlarından anlaya bilmirlər ki, dünya imperializminə arxalanan düşməni yenən xalqa və onun dövlətinə bu yolla zərbə vurmaq mümkün deyil. "Gedin, adamınızı tapın, "cənab" böhtançılar!".

  Bu şəkildəki böhtançıların restoran adlandırdıqları "vaqon-bufet"dir. Şahbulağa gələn hər bir səyahətçiyə dönər, bir şiş kabab, ətli və ya göyərtili qutab pulsuz verilir. Üstündə də hərəsindən bir ədəd meyvə şirəsi və çay.

Səfərdən foto-sessiyanı təqdim edirik:

İmarət

Uçurulmuş qəbir daşı

Milli Qəhrəman Allahverdi Bağırovun qəbri. Allah şəhidlərimizə rəhmət eləsin!

Şahbulaq qalası

Şahbulaqda Qala meydanı

Şahbulaq çeşməsi

Noyabrın 3-də gözlənilən hava şəraiti açıqlanıb. Milli Hidrometeorologiya Xidmətindən verilən məlumata görə, Bakıda və Abşeron yarımadasında sabah hava şəraitinin dəyişkən buludlu olacağı, arabir tutulacağı gözlənilir.

Günün birinci yarısında bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.

Havanın temperaturu gecə 11-13° isti, gündüz 15-18° isti, Bakıda gecə 11-13° isti, gündüz 16-18° isti olacaq. Atmosfer təzyiqi 761 mm civə sütunundan 766 mm civə sütununa yüksələcək. Nisbi rütubət 60-70 % olacaq.

Azərbaycanın rayonlarında arabir yağış yağacağı gözlənilir. Bəzi yerlərdə intensiv olacağı, dağlıq ərazilərdə qar yağacağı ehtimalı var. Gecə və səhər bəzi yerlərdə duman olacaq. Şərq küləyi əsəcək.

Havanın temperaturu gecə 8-12° isti, gündüz 15-20° isti, dağlarda gecə 3° şaxtadan 2°-dək isti, gündüz 5-10° isti olacaq.