Rusiyanın Müdafiə Nazirliyinə məxsus “Tu-154” təyyarəsi radarlardan itib.
“Qafqazinfo”nun RİA Novosti-yə istinadən məlumatına görə, təyyarənin göyərtəsində 83 sərnişin və 8 ekipaj üzvünün olduğu deyilir.
Soçidən qalxan təyyarənin Suriyanın Latakiya bölgəsinə uçduğu bildirilir.
“Tu-154” havaya qalxandan 20 dəqiqə sonra radarlarda görünməyib.
***
Güc strukturlarındakı mənbə RİA Novosti-yə bildirib ki, sərnişinlərin əsas hissəsini Aleksandrova ansamblının musiqiçiləri təşkil ediblər. Onların Xmeymim aedromunda çıxışı gözlənilirmiş.
***
Rusiya Müdafiə Nazirliyinin məlumatına görə, radarlardan itən təyyarənin qalıqları tapılmaqdadır. Belə ki, ilkin məlumata əsasən, təyyarə Qara dənizdə düşüb. Təyyarənin qalıqları və sərnişinlərin şəxsi əşyaları 50-70 metr dərinlikdə aşkar edilib.