Ermənilərin “soyqırımı” uydurması siyasətdə ikili standartların korşalmış alətinə çevrilib

Dünya düzəni ciddi siyasi deformasiyaya məruz qalır. Superdövlətlərin mövqe və yeni bazarlar uğrunda mübarizəsi dəyişikliklərin əsas işçi qarışığıdır. Müharibələr, sanksiyalar müharibəsi, hərəkətlərinə alibi qazanmaq üçün şər və böhtan kampaniyasının genişlənməsi mübarizənin əsas atqumentləridir. Fəal siyasi fiqurlar arasında milli və dövləti identikliyini qoruyan dövlətlər də az deyil və bunlardan birincisi və ən qaynar nöqtədə yerləşəni qardaş Türkiyə Cümhuriyyətidir.
Buvaxtadək dünyada hökmranlıq edən Qərb dünyası ulu mədəniyyətə və zəngin dövlətçilik ənənələrinə malik Türk sivilizasiyasını qəbul etmək istəmirlər. Məqsəd də birdir: çəkinirlər. Məhz, türkçülüyün qədimliyindən, zəngin və möhtəşəm tarixindən, mübarizə əzmindən, dünya düzənindəki yerlərini itirə biləcəklərindən çəkinirlər. Bu səbəbdən hər cür iftira, iqtisadi, siyasi və silahlı təxribatlara əl atırlar.
Bu günlərdə ABŞ-ın Nümayəndələr palatasının senatoru Ketrin Klark saxta erməni “soyqırımı”nın tanınması üçün keçiriləcək növbəti səsvermədən əvvəl çıxış edərək deyib: “Məhz mən öz dairəmin seçicilərini, xüsusilə erməni diasporunun çiçəkləndiyi Massaçusets ştatının Uottaun şəhərindən olanları Nümayəndələr Palatasını insanlığa qarşı cinayəti olduğu kimi tanımasına dair qətnamə qəbul etməyə inandırmaq üçün dəstəkləyirəm. Soyqırımı”.
Qəribədir, niyə bu gün, bəs, 104 il əvvəl baş vermiş hadisəyə niyə indi qiymət verilir? Nümayəndələr palatasının digər üzvü, konqresmen Bred Şerman da müzakirələrə qatılaraq bildirib ki, ABŞ “soyqırımı” tanımalıdır. Onun başbilənliyinə görə, Türkiyə o zaman ABŞ-ın böyük müttəfiqi ola bilər ki, “soyqırımı”nı tanısın.
Bu gəlişmələr yeni deyil və həmişə Türkiyəni gərginlikdə saxlamaq üçün Qərb dünyası, inkişaf etmiş ölkələr rəsmi Ankaraya bu mövzuda təzyiqlər göstərməyə çalışıblar. Amma heç vaxt istəklərinə hail ola bilməyiblər. Artıq bir neçə ildir ki, Türkiyəni diz çökdürmək üçün Avropanın inkişaf etmiş dövlətləri ABŞ-la birlikdə olmazın siyasi oyunlardan çıxırlar ki, Türkiyə onların dediyi ilə oturub dursun, yəni, əlaltı dövlət olsun. Bu yolda terrordan, dövlət çevrilişinə cəhddən, iqtisadi sanksiyalardan, Türkiyənin inkişafını ləngitmək üçün ona yüksək texnologiyaların satışını qadağan etməkdən tutmuş ölkəni parçalamaq planlarına qədər müxtəlif vasitələrə əl atıblar. Ancaq yenə də əlləri ətəklərin uzun geri oturdulublar. Çünki, Türkiyə başı müsibətlər çəkmiş və tarixin sınaqlarından əsamkarlıq ruhu ilə üzüağ çıxmış azsaylı millətlərdən və dövlətlərdən biridir. Gücündən asılı olmayaraq hər hansı bir dövlətin Türkiyəyə qalib gələcəyini düşünmək absurd dünyagörüşdür. Buna görə də kürd terrorçuları ilə mübarizədə, Suriyada təhlükəsizliyinin qorunması üçün müstəqil tədbirlər görmək gücündə olan Türkiyə Amerikanı olmazın qıcıqlandırır. Prinsipcə, kimin-kimi məsələsində Türkiyə ABŞ-ı yerində oturdub. Buna görə də amerikalı siyasətçilər erməni kartından istifadə etmək qərarına gəliblər. Çünki, Türkiyəni haqq-nahaq “söyqırımı”nı tanımağa məcbur edə bilsələr, onda, ermənilərə görə Türkiyənin boynuna küllüi miqdarda, yüz miyardlarla dollar kompensasiya ödəmək tələbi qoyacaq və ölkəni iqtisadi tənəzzülə sürükləməyə səy göstərəcəklər.
“Soyqırımı” məsələsinin budəfəki təbliğinin həm də Türkiyənin Rusiya ilə iş birliyinə son qoymaq məqsədi var. Mətbuatda yayılan xəbərlərə görə, Türkiyə Rusiyadan müasir SU-35 döyüş təyyarələrini almaq üçün danışıqlar aparır. Bu isə Amerikanı möhkəm narahat edir. O, açıq-aşkar Türkiyə kimi müttəfiqini öz səhvi ucbatından itirmək üzrədir. “Soyqırımı”nı ortaya atmaqla ABŞ rəsmiləri Türkiyəni saxlamağa cəhd edirlər. Amma bu, çox uğursuz cəhddir. Bu yolla Türkiyəni saxlamaq yox, uzaqlaşmaq sürətini artırmaq olar. Lakin Türkiyə Respublikasının geostrateji mövqeyi, mühüm beynəlxalq rolu onu deməyə əsas verir ki, amerikalı ermənipərəstlərin bu cəhdi sonluqda onların özlərinə qarşı çevriləcək və mənasız bitəcək. Türkiyəni məhv etmək mümkün deyil. Onu böyük türk ruhu və dünyası müdafiə edir. Təsadüfi deyil ki, Türkiyə prezidenti Rəcəb Tayyip Ərdoğan ABŞ-ın Nümayəndələr Palatasında Türkyə əleyhinə qəbul olunan qətnamələrə münasibətini belə ifadə edib: “Oktyarbın 29-da Konqresdə qəbul edilən iki qətnamənin şahidi olduq. Bundan ölkəmizə qarşı sui-istifadə edə bilərlər. Bu qətnamələrin heç bir gücü yoxdur və biz onu tanımırıq. Açıq desəm, özləri çalıb özləri oynaycaqlar”.
N.NOVRUZ

Azərbaycan, hər il sürəti artan qlobal internet sürəti ilə ayaqlaşa bilmir.

Böyük Britaniyanın "Cable" şirkəti ölkələrin ortalama internet sürətini araşdırıb. "Marja" şirkətin hesabatına istinadən xəbər verir ki, Azərbaycan internetin sürətinə görə 207 ölkə arasında 141-ci yerdədir. Yeni hesabatda, Azərbaycan siyahıda 6 pillə geriləyib. Ölkəmiz 2018-ci ildə 135-ci yerdə idi.

Hesabata görə, Azərbaycanda internetin orta yükləmə sürəti 3.1 Mbps-dir. Azərbaycandakı orta internet ilə 5 GB-lıq filmi endirmək üçün 3 saat 39 dəqiqə 53 saniyə tələb olunur.

Bu il bütün ölkələrin ortalama internet sürəti 11 Mbps təşkil edib. Azərbaycanda internetin sürəti (3.1 Mbps) dünya üzrə orta internet sürətindən də aşağıdır.

Dünyada orta hesabla ən sürətli internetin olduğu ölkə 85 Mbps sürətlə Tayvandır. Tayvandakı orta internet sürətilə 5 GB-lıq bir filmi endirmək üçün 8 dəqiqə tələb olunur.

"Cable" şirkətinin hesabatı: "Worldwide broadband speed league 2019"

Diaspor və lobbi haqda yaradılan xəyallar qırılır və reallıq xaricdəki erməni təşkilatlarının tör-töküntü olduğunu təsdiqləyir

Bu ölkədə işğalçılıq siyasətinin yükünü qızların belinə yükləmək üçün yenidən müzakirələr başlayır

Ermənistanın ordusunda əsgər qızların sayı ildən-ilə artır. Bunun əsas səbəbi ölkədəki ağır iqtisadi vəziyyət və hökumətin Azərbaycana qarşı işğalçılıq siyasətinin davam etdirilməsidir. Bu haqda ABŞ-dakı Kolumbiya universitetində çıxışı zamanı “Qadınların məcburi hərbi xidmətə çağırılması mümkündürmü?” sualını cavablandıran Ermənistanın baş naziri Nikol Paşinyan danışıb. “İnanıram ki, bu məsələ daha da inkişaf etdiriləcək və növbəti addım qadınların orduda məcburi hərbi xidməti barədə real diskussiya olacaq”-deyə, o, bildirib. Onun sözlərinə görə, bu ideya müzakirə olunmalıdır, amma nəticəsini indidən deyə bilməz: “Ermənistan demokratik ölkədir və biz bu problemi cəmiyyətimizdə müzakirə edib qərar verməliyik”.
Bu məsələ erməni cəmiyyəti üçün yeni deyil. Hətta İsraili yamsılayaraq ağılsız “millət-ordu” ideyasının gündəmə gəlməsi də Paşinyanın ixtirası deyil. Çoxdandır ki, qızların orduya cəlb edilməsi barədə bu ölkədə söhbət gedir. Hələ 2014-cü ildə Ermənistanda 18 yaşına çatmış qızları icbari qaydada orduya çağırmaq barədə qanunun müzakirəsinə olub. İnsan potensialının tükənməsi, miqrasiya və demoqrafiya göstəricilərinin faciəvi vəziyyətdə olması, eləcə də Ermənistanın işğalçılıqdan əl çəkə bilməməsi onu qızları məcburi qaydada orduya çağırmağa vadar edir. 18 yaşlı qızların məcburi qaydada hərbi xidmətə çağırılması dünya praktikasında nadir rast gəlinən haldır. MDB və Yaxın Şərq regionlarında bu məsələ ağlagəlməz hadisədir. Qadınların qeyri-hərbi sahələrdə hərbi xidmətdə olmaları, tibbi-texniki sahədə fəaliyyət göstərmələri dünyada qəbul olunmuş haldır. Amma Ermənistanda 18 yaşı yenicə tamam olan qızı 18 yaşlı gənc oğlan kimi hərbi xidmətə çağırmaq fikrindən əl çəkmirlər. Belə ki, Serj Sarqsyanın dövründə bütün vətəndaşların silaha sarılması, keçmiş müdafiə naziri Vigen Sarkisyanın təşəbbüsü ilə “millət-ordu” ideyası ciddi müzakirə olunub. Ancaq resurslar olmadığından bu məsələni tam həll etmək mümkün olmayıb.
Bəs, bu dəfə necə, bütün məsələlərə özünəməxsus naşılıqla nöqtə qoymağın həvəskarı olan Nikol Paşinyanın dövründə bu məsələyə nöqtə qoyulacaqmı? Ekspertlərin mülahizələrinə görə, bu, çətin görünür. Çünki, Nikolun oğlu Aşot hərbi mükəlləfiyyətini yerinə yetirmək üçün hansı dərəcədə xidmət edirsə, qızları da həmin səviyyədən ikiqat artıq səviyyədə yerinə yetirəcək. Bu isə nümunə olduğu üçün qızların məcburi hərbi xidməyə çağırılması qanununun qəbul edilməsi utopik görünür.
Aşot Paşiyan orduya göndərildiyi pafoslu nitqlərə rəğmən, iki gündən bir evində dincəlir, şəhərdə qızlarla gəzməyə çıxır, hərbi hissəyə yolu düşəndə də öz qaydalarını diqtə etmək istəyir. Üstəlik, “işverənlik” edir və buna görə döyülür. İndi gündəlikdə duran məsələlərdən biri də budur ki, Nikol Paşinyan 3 gənc qızının Məryəmin, Şuşannanın və Arpinenin orduda əsgərlik çəkməsinə necə baxacaq? Axı, qanun qəbul olunarsa, ilk növbədə onun qızları irəli durmalıdır. Bu işdə Nikolun öz fikri bir yana, qızlarının özləri orduda xidmətə, yaxud anaları qızlarının zülm çəkməsinə razı olacaqlarmı? Bu səbəbdən Ermənistanın prezidenti, baş naziri, parlamentinin spikeri, müdafiə və xarici işlər nazirləri öz qız övladlarını, qız nəvələrini Azərbaycan ordusu ilə üzbəüz ön xətdə təsəvvür edib, sonra qərar verməlidirlər. Belə bir prosedur isə bəri başdan ehtimal edir ki, qanun ya verilməyəcək, ya da kimlərinsə bu qanundan yan keçməsi üçün yarımçıq veriləcək.
N.NOVRUZ

Baş nazir Paşinyanın xarici təlimatla əkdiklərinin meyvələri çox acı dadır

Separatçılarla İrəvan hakimiyyəti arasında süni parçalanma yaradılır

Qərbin nəinki bölgədə, hətta dünyada geostrateji məqsədləri təbəddülata uğrayıb

Ermənistan hakimiyyətinin Şuşanın işğal gününü milli bayrama çevirməsi onun sonunu yaxınlaşdırır

Nikol Paşinyanın hakimiyyəti xalqa heç nə verməyib, əksinə vəziyyət daha da pisləşib