“Koronavirusa necə yoluxduğumu bilmirəm. Bazar günü iki yas mərasiminə getmişdim. Qabaqlayıcı tədbir kimi əlcək geyinib maska taxmışdım. Heç kimlə əllə görüşmədim, yaxın təmasım olmadı. Amma bugünkü ağlım olsa, getməzdim”.

“Qafqazinfo” xəbər verir ki, bu sözləri koronavirusa yoluxan CHP-li sabiq deputat, həkim Gökmen Öğüt “Hürriyet”ə müsahibəsində deyib. O bildirib ki, bazar günündən xəstəxanada müalicə alır və səhhəti stabildir:

“İlk testimin cavabı neqativ çıxdı, ancaq sonra ikinci test elədilər və nəticə pozitiv çıxdı. Vəziyyətim yaxşıdır, bir-iki günə xəstəxanadan evə buraxılıb 14 günlük karantin rejimində qalacam.

Əlcəksiz bayıra çıxmırdım, maşınımda dezinfeksiyaedici məhlul var, əllərimi tez-tez yuyurdum. Belə olan halda mən belə yaxalandımsa, siz diqqətli olun”.

G. Öğüt vətəndaşlara bu tövsiyələri verib: “Marketlərdə alış-verişi bacardığınız qədər azaldın, aldığınız hər şeyi silin, şüşə və plastik əşyalardakı viruslara diqqət edin, ehtiyac olmadığı müddətdə evdən çıxmayın”.

Koronavirus pandemiyasının dünya üzrə yayılması ilə bağlı son statistika açıqlanıb.

Axar.az xəbər verir ki, ən son məlumata görə, koronavirusa 614.404 nəfər yoluxub. Onlardan 28.242 nəfər dünyasını dəyişib, 137.329 nəfər sağalıb.

Koronavirusa yoluxma halı yenə ən çox ABŞ-da müşahidə edilir. Bu ölkədə virusa yoluxanların sayı 104.256-ya çatıb. Yoluxanlardan 1.704 nəfər dünyasını dəyişib.

İtaliyada 86.498, Çində 81.394, İspaniyada 72.248, Almaniyada 53.340, İranda 35.408, Fransada 32.964 yoluxma var.

Açıqlanan məlumata görə, gün ərzində ən çox ölüm İspaniyadadır - 552 nəfər (son sutkada 832 nəfər).

İranda bu gün 139 nəfər, Almaniyada isə 48 nəfər bu virusdan dünyasını dəyişib.

Bakı və Sumqayıt şəhərləri ərazisində yerləşən parklarda insanların oturması üçün nəzərdə tutulan skamyalar tərsinə çevrilib.

"Report" xəbər verir ki, buna səbəb koronavirus infeksiyasının qarşısının alınması istiqamətində həyata keçirilən tədbirlər çərçivəsində insanların sıxlığını tənzimləmək məqsədilə bütün bulvar, park və istirahət məkanlarına girişin məhdudlaşdırılmasıdır.

Qeyd edək ki, Nazirlər Kabineti yanında Operativ Qərargahın Azərbaycanda xüsusi karantin rejiminin gücləndirilməsi haqqında qərarına əsasən, bu gecədən bütün bulvar, park və istirahət mərkəzlərinə giriş məhdudlaşdırılacaq.

AXC-nin 100 il əvvəl Şuşada keçirdiyi sülh konfransı niyə unudulub?

“Həyat əbədi deyil. Mənə bu yolda bir çox insan yardım edib. Ona görə də səhmlərimi ailəm və top-menecerlərimə bağışlamaqla onlara yardım etmək istəyirəm”. Bu sözləri milyarder Əlişir Usmanov “Faynənşl Tayms” nəşrinə açıqlamasında deyib. O, varidatının yarısını doğmalarına, yarısını isə buna layiq olan əməkdaşlarına bağışlamaq istədiyini dilə gətirib.
“Mənim təbiətim belədir. Əgər tale sizə nəyisə bəxş edibsə, bunu paylaşmalısınız”, - deyə o bildirib.
Əlişir Usmanov “USM Holdings” şirkətinin yaradıcısı və əsas səhmdarıdır. Usmanovun varidatı 12,6 milyard dollar dəyərində qiymətləndirilir.