Hindistanda qatarın relsdən çıxması nəticəsində ölənlərin sayı 39 nəfərə çatıb.
APA-nın İANS agentliyinə istinadən verdiyi məlumata görə, hadisə Orissa və Andxra-Pradeş ştatlarının sərhədində baş verib.
Hindistanın baş naziri Narendra Modi ölənlərin qohumlarına və yaxınlarına başsağlığı verib.
***
saat 09.24
Hindistanda qatarın relsdən çıxması nəticəsində ölənlərin sayı 32 nəfərə çatıb, 50 nəfər xəsarət alıb.
APA-nın ANİ agentliyinə istinadən verdiyi məlumata görə, hadisə Orissa və Andxra-Pradeş ştatlarının sərhədində baş verib.
Sürətli qatarın lokomotivi və qatardakı 22 vaqondan 8-i relsdən çıxıb. Qəzanın səbəbləri hələ məlum deyil. Ancaq “Hindistan Dəmir Yolları” şirkəti təxribat versiyasını istisna etmir. Çünki hadisə baş verən regionda mao silahlıları fəaliyyət göstərir.
***
saat 04.48
Hindistanda qatarın relsdən çıxması nəticəsində ölənlərin sayı 23 nəfərə çatıb.
APA-nın “Frans Press”ə istinadən verdiyi xəbərə görə, hadisə yerində xilasetmə əməliyyatı davam etdirilir, sərnişinlər ərazidən təxliyə edilir.
Dəmir yolunda hərəkət dayandırılıb.
Qəzanın səbəbləri hələlik məlum deyil.
***** 02.52
Hindistanda qatarın relsdən çıxması nəticəsində 13 nəfər ölüb, 100-dək insan xəsarət alıb. APA-nın “Frans Press”ə istinadən verdiyi xəbərə görə, insident Orissa və Andxra-Pradeş ştatlarının sərhədində baş verib.
Məlumata görə, yeddi vaqon və lokomotiv relsdən çıxaraq aşıb.
Qatar Orissa ştatının paytaxtı Bxubaneşvar şəhərinə yollanırmış.
Qəzanın səbəbləri araşdırılır.