“İksmedia.az”ın əldə etdiyi məlumata görə, Ermənistanın Milli Təhlükəsizlik və Müdafiə nazirliklərinin xüsusi qrupları dünəndən etibarən Facebook-da xüsusi fəallıq göstərirlər. Yüzlərlə saxta profildə Tovuz bölgəsindəki əməliyyatdan yazılır, aşkar dezinformasiya, feyk məlumatlar yayılır. Təxminən 350 profil isə Azərbaycan dilində paylaşımlar edir.
Diqqətli olaq, çox hiyləgər və məkrli düşmənlə üz-üzəyik. Ermənilər erməni, rus, ingilis, alman, fars və fransız dilləri ilə yanaşı, dilimizdə də paylaşımlar edirlər. Özlərini Facebook və Twitter-də "azərbaycanlı" kimi təqdim edən ermənilər səlis Azərbaycan dilində yazırlar.
Ermənilərin Azərbaycan dilindəki profillərdə təkrarladıqları əsas fikirlər "Şəhidlərin qanı yerdə qalır", "Azərbaycan rəhbərliyi sosial gərginliyin artmasından çəkinərək cəbhədə bu insidenti yaratdı" kimi təxribatçı fikirlərlə Azərbaycanda iğtişaşlar yaratmaq istəyirlər. .
Həmin profillərin əksəriyyəti İrəvan Dövlət Universitetinin türkologiya kafedrasının nəzdində yaradılmış "Azərbaycan dilinin öyrənilməsi" qrupunun üzvlərinə məxsus olsa da, 63 profil Ermənistan Milli Təhlükəsizlik Nazirliyinin əməkdaşlarının kurasiyasındadır. İrəvan Dövlət Universitetininq müəllimi, türkoloq Ruben Melkonyanın başçılıq etdiyi "Azərbaycan dilinin öyrənilməsi" qrupunda dərslər 6 ay davam edir. Kursun dəyəri 300 dollardır. Kursu bitirən şəxs 5 ay sosial şəbəkələrdə özünü azərbaycanlı kimi təqdim edərək aktiv fəaliyyət göstərərsə, onun ödədiyi pul geri qaytarılır.
Aldanmayaq, düşmən oyunlarına alət olmayaq. Ermənilər bizə qarşı genişmiqyaslı informasiya savaşı da aparırlar və həmin savaşın önəmli qismi sosial şəbəkələrdə həyata keçirilir.
Ermənistanın yeni "Milli Təhlükəsizlik Strategiyası"nda da Azərbaycana qarşı informasiya savaşına xüsusi yer ayrılıb. 40 səhifəlik, 6 fəsildən ibartə strategiyaya 18 səhifəlik məxfi əlavədə bu barədə aşkar deyilir.