Dünyanın ən varlı adamı kimi tanınan İlon Mask sərvət və xoşbəxtlik anlayışları ilə bağlı maraqlı paylaşım edib.
“İksmedia" Qafqazinfo”-ya xəbər verir ki, təxminən 850 milyard dollarlıq xalis sərvəti ilə planetin ən varlı insanı hesab olunan Mask maddi imkanların insanı xoşbəxt etməyə yetmədiyini bildirib.
“Pul xoşbəxtliyi satın ala bilməz” deyən şəxs, həqiqətən, nə dediyini bilirdi”, - Mask paylaşımında yazıb.
Paylaşıma ağlayan “emoji” əlavə etməsi isə izləyicilər arasında müzakirələrə səbəb olub.
“Forbes” və “Bloomberg” kimi qlobal sərvət indekslərinə əsasən, İlon Mask 2026-cı il etibarilə dünyanın ən varlı adamı olaraq qalır. Onun paylaşımı böyük maddi gücün insanın daxili rahatlığını və məmnunluğunu təmin etmədiyi mesajı kimi dəyərləndirilib.
