İraqın "Kətaib Hizbullah" silahlı qruplaşmasının üzvləri intiharçı hücumları həyata keçirmək üçün qeydiyyatdan keçməyə başlayıblar.
"İksmedia"Musavat.com-a istinadən xəbər verir ki, bu barədə "Iran International" məlumat yayıb.
Məlumatda bildirilir ki, bu addım qruplaşmanın İranı dəstəkləmək məqsədilə daha genişmiqyaslı münaqişəyə hazır olduğunu bəyan etməsindən sonra atılıb.
Yayımlanan fotolarda ağ kəfənə bürünmüş kişilərin "intihar əməliyyatlarında" könüllü iştirakla bağlı sənədlərə imza atdıqları görünür.
Həftənin əvvəlində ABŞ tərəfindən terror təşkilatı kimi tanınan "Kətaib Hizbullah" döyüşçülərini və tərəfdarlarını İrana yönələn təhdidlərə cavab olaraq tammiqyaslı müharibəyə hazırlaşmağa çağırıb.
Qeyd edək ki, qruplaşma İraqın Xalq Səfərbərlik Qüvvələrinin tərkibinə daxildir, regionda ABŞ və onun müttəfiqlərinə məxsus obyektlərə hücumlarla tanınır.