Siyasət İlham Əliyev: ""Cənub Qaz Dəhlizi" layihəsi nəinki Azərbaycan, o cümlədən geniş bir coğrafiyanı əhatə edən region üçün mühüm əhəmiyyət daşıyır" - FOTO

489156Azərbaycan Respublikasının Prezidenti İlham Əliyev noyabrın 14-də Asiya İnkişaf Bankının vitse-prezidenti Vençay Janqı qəbul edib.

iksmedia.az AZƏRTAC-a istinadən bildirir ki, Azərbaycan ilə Asiya İnkişaf Bankı arasında əməkdaşlığın səviyyəsinin razılıq doğurduğunu qeyd edən dövlətimizin başçısı qurumun prezidenti Takehiko Nakao ilə Asiya İnkişaf Bankının Rəhbərlər Şurasının ötən il Bakıda keçirilən 48-ci illik toplantısı zamanı görüşünü məmnunluqla xatırladı. Ölkəmizin ev sahibliyi etdiyi bu tədbirin uğurla keçirildiyini, quruma üzv olan ölkələrdən çoxlu sayda nümayəndələrin burada iştirak etdiyini deyən Prezident İlham Əliyev bu tədbirdən sonra Azərbaycanın Asiya İnkişaf Bankı ilə əməkdaşlığında yeni dinamikanın müşahidə olunduğunu bildirdi. Ölkəmizin maliyyə qabiliyyətli etibarlı tərəfdaş olduğunu, üzərinə götürdüyü öhdəlikləri daim yerinə yetirdiyini deyən dövlətimizin başçısı bank tərəfindən Azərbaycanda həyata keçirilən çox mühüm layihələrə, xüsusilə "Cənub Qaz Dəhlizi" layihəsinə verilən dəstəyə görə Vençay Janqa minnətdarlığını bildirdi. Prezident İlham Əliyev "Cənub Qaz Dəhlizi" layihəsinin nəinki Azərbaycan, o cümlədən Avropa da daxil olmaqla geniş bir coğrafiyanı əhatə edən region üçün mühüm əhəmiyyət daşıdığını vurğuladı. Ölkəmizin Asiya İnkişaf Bankı ilə bir sıra digər sahələrdə də əməkdaşlığına toxunan dövlətimizin başçısı birgə həyata keçirilən infrastruktur layihələrinin əksəriyyətinin artıq başa çatdırıldığını bildirdi. Qurumla əməkdaşlığın davam etdiriləcəyinə əminliyini ifadə edən Prezident İlham Əliyev Asiya İnkişaf Bankının vitse-prezidenti Vençay Janqın ölkəmizə səfərinin əməkdaşlığımızın perspektivləri, həmçinin son illərdə görülən işlərlə bağlı fikir mübadiləsinin aparılması üçün yaxşı fürsət yaratdığını qeyd etdi.

Vençay Janq Asiya İnkişaf Bankının prezidenti Takehiko Nakaonun salamlarını dövlətimizin başçısına çatdırdı. O, 2015-ci ildə Asiya İnkişaf Bankının Rəhbərlər Şurasının Bakıda keçirilən 48-ci illik toplantısına verdiyi dəstəyə görə dövlətimizin başçısına minnətdarlığını bildirdi. Asiya İnkişaf Bankı ilə Azərbaycan arasında çox yaxşı əməkdaşlıq əlaqələrinin olmasından məmnunluğunu ifadə edən Vençay Janq ölkəmizin Asiya İnkişaf Bankına qoşulduğu 1999-cu ildən ötən dövr ərzində qurum tərəfindən Azərbaycana 2,8 milyard dollar məbləğində vəsaitin ayrıldığını qeyd etdi. Təmsil etdiyi qurumun ölkəmizdə həyata keçirilən bir sıra layihələrlə yanaşı, "Cənub Qaz Dəhlizi" və "Şahdəniz" kimi mühüm layihələrə də dəstək və önəm verdiyini xatırladan Vençay Janq layihələrlə bağlı məsələləri müzakirə etmək üçün bank daxilində xüsusi şuranın yaradıldığını vurğuladı.

Görüşdə Asiya İnkişaf Bankının dəstəyi ilə Azərbaycanda həyata keçirilən infrastruktur layihələrinin, o cümlədən Şimal-Cənub dəmir yolu dəhlizi, su təchizatı, yol şəbəkəsinin genişləndirilməsi və digər layihələrin önəmi vurğulandı, 2017-2019-cu illərdə ölkəmizə dair bu cür layihələrin həyata keçirilməsinin bankın kreditləşmə proqramına daxil edilməsindən məmnunluq ifadə edildi.

Kerri: “Rusiyanın kiberhücumlarına lazımi an cavab veriləcək”

“Prezident Barak Obama Putin hakerlərinin Amerika siyasi institutlarına kiberhücumlarına müəyyən olunmuş vaxtda cavab verəcək”.
İKT.lent.az-ın xəbərinə görə, bunu “Wired” nəşrinə müsahibəsində ABŞ dövlət kartibi Con Kerri deyib. O bildirib ki, cavab tədbirləri barədə qərar çoxdan qəbul olunub, lakin lazımi anın seçilməsi hələ Vaşinqtondan müzakirə mövzusudur: “Cavab prezidentin müəyyən edəcəyi vaxtda və formada olacaq. Sizlər ola bilər ki, bu cavabı görməyəcəksiniz”.

Ardını oxu...

Təmirlə əlaqədar qaz olmayacaq


Abşeron, Siyəzən və Ağdaş magistral qaz kəmərləri sahələrində cari təmir işləri aparılacaq
“Azəriqaz” ASC-dən iksmedia.az-a verilən məlumata görə,  oktyabrın 7-də saat 10:00-dan 18:00-dək “Qaz İxrac” İdarəsinin Abşeron magistral qaz kəmərləri sahəsinin “Əhmədli”, Siyəzən magistral qaz kəmərləri sahəsinin “Zarat”, “Çandahar”, “Qara Siyəzən”, “Giləzi kərpic zavodu'', “Hacılar MMC”, “MMZ quşçuluq”, “Beşdam”, Ağdaş magistral qaz kəmərləri sahəsinin “Göyçay-2” qazpaylama stansiyalarında və bəzi ölçü qovşaqlarında cari təmir işləri aparılacaq.
Təmir müddətində Siyəzən rayonun Zarat, Çandahar və Qara-Siyəzən kəndlərinin qaz təchizatında məhdudiyyətlər olacaq. Aparılan işlərin Bakı şəhəri Xətai rayonun və Göyçay şəhərinin bir hissəsinin qaz təchizatına təsir göstərməsi də mümkündür.

2016-cı ildə gözlənilən TƏHLÜKƏLƏR

Beynəlxalq İqtisadi Forum bəşəriyyət üçün 2016-cı ildə təhlükə törədəcək əsas problemlərin toplusundan ibarət “Qlobal risklər-2016” adlı hesabatı hazırlayıb.
Modern.az təşkilatın saytına istinadən xəbər verir ki, hesabatda ətraf mühitdən iqtisadiyyata və geosiyasətə qədər bütün sahələrdə risklərin gözlənildiyi proqnoz edilib.

Ardını oxu...

"Qızıl Məryəm"i qızı və 17-18 yaşlı iki qohumu öldürüb

Baş Polis İdarəsi və şəhər prokurorluğu qızıl alverçisini öldürənlərin adlarını açıqlayıb. Bakı şəhər Baş Polis İdarəsi və şəhər prokurorluğu paytaxtda qızıl alverçisi olan iş qadını Məryəm Nametzadənin qətlə yetirilməsi ilə bağlı birgə məlumat açıqlayıb. Prokurorluqdan ANS PRESS-ə verilən məlumata görə, paytaxtın hüquq mühafizə orqanlarının həyata keçirdikləri təxirəsalınmaz istintaq-əməliyyat tədbirləri nəticəsində Nəsimi rayon ərazisində qeyri-aşkar şəraitdə törədilmiş qətlin üstünün “isti izlər”lə açılması təmin edilib.

Ardını oxu...

132 -dən səhifə 133

Oxşar məqalələr