Bəşər Əsəd rejiminə bağlı hərbçilərin və və rejim tərəfdarı olan xarici terrorist qrupların hücumları nəticəsində böyük dağıNtıya məruz qalan Hələb şəhərinin şərqi sanki xarabalığa bənzəyir.

Xezerxeber.az Anadolu Agentliyinə istinadən məlumat verir ki, görüntülərdən aydın olur ki, şəhərdən əsər-əlamət qalmayıb: bütün yaşayış binaları, tarixi yerlər, abidələr və sair tikililər dağıdılıb, yerlə-yeksan edilib. Amma bütün bunlara baxmanaraq xalq Daret İzzətdə çətin də olsa evlərini tərk etmək istəmir və yaşamağa davam edirlər. Enerji kəsintisi də soyuq qış günlərində insanlara çətin günlər yaşadır.

Dövlət İmtahan Mərkəzi (DİM) hər il imtahan qaydalarına müəyyən dəyişikliklərin edilməsinin səbəblərini açıqlayıb.

APA-nın məlumatına görə, DİM Direktorlar Şurasının sədri Məleykə Abbaszadə Bakı şəhəri üzrə 2017-ci ildə ümumi təhsil pilləsində təhsilalanların yekun qiymətləndirilməsinin (attestasiyasının) aparılması qaydalarına həsr olunan konfransda bildirib ki, onlara hər il imtahanların qaydalarının dəyişilməsinin səbəbləri ilə bağlı müxtəlif suallar verilir: “Sual verənlər təhsillə bağlı dövlət tərəfindən qəbul edilən sənədlərlə tanış olsunlar. Bunlar təhsil mühitini formalaşdıran sənədlərdir və biz onları icra edirik. İmtahanlarda dəyişiklərin edilməsi bu səbəblərlə əlaqədardır. Hər bir imtahan layihələşdiriləndə onun məqsədi də müəyyənləşməlidir. Qəbul imtahanları zamanı məzunlar arasından ən yaxşılarını seçməliyik. Buraxılış imtahanları zamanı isə uşaqların bilik və bacarıqlarının müəyyən dövlət standartlarına uyğunluğu yoxlanılır. Həmin məqsədə görə ölçmə materialları-testlər fərqli olur”.

Başa çatmaqda olan 2016-cı ildə dünya üzrə azı 74 jurnalist həlak olub.

AZƏRTAC xəbər verir ki, bu barədə bazar ertəsi günü “Sərhədsiz reportyorlar” təşkilatı məlumat yayıb. Təşkilatın məruzəsinə görə, ötən il olduğu kimi, bu il də ən çox jurnalist Suriyada həlak olub – 19 nəfər. Əfqanıstanda 10, Meksikada 9, İraqda 7, Yəməndə isə 5 jurnalist həyatını itirib. Həlak olanlar arasında doqquz bloqer, habelə KİV-lə əməkdaşlıq edən səkkiz şəxs var.

Bakıda məcburi köçkünlərin məskunlaşdığı binada yanğın olub.

Daxili İşlər Nazirliyinin mətbuat xidmətindən xezerxeber.az-a verilən məlumata görə, dekabrın 18-də saat 19:00 radələrində Xəzər rayonunun Buzovna qəsəbəsi ərazisində Xocalı (5 ailə), Ağdam (2 ailə) və Laçın (2 ailə) rayon sakinlərinin yaşadıqları "Çiçək-Pioner" düşərgəsinin yaşayış binasında elektrik naqillərinin qısaqapanmasından yanğın baş verib.