Şənbə günü Fransanın qərbindəki 13 departamentin 10-da həyəcan siqnalı verilib. Güclü küləyin yaratdığı dağıntılar davam edir, təhlükə ölkənin içərilərinə doğru irəliləyir
San-Malo şəhərində (İl-e-Vilen departamenti) küləyin ilk həmləsindən sonra dənizdə güclü dalğalar yaranıb.
Frans-meteo xidmətinin məlumatına görə, ölkənin qərbində küləyin sürəti saatda 102-165 kilometr olub. 67 min xüsusi evdə elektrik cərəyanı kəsilib. Küləyin noyabrın 21-də səhərə yaxın səngiyəcəyi bildirilir.