ABŞ-ın seçilmiş prezidenti Donald Tramp şəxsi “Twitter” mikrobloqunda bildirib ki, yalnız axmaq adam Rusiya ilə yaxşı münasibət istəməz. Onun sözlərinə görə, Rusiya ilə ABŞ münasibətlərini qaydasına qoysalar, yaxşı olar.

Səudiyyə Ərəbistanının Daxili İşlər Nazirliyi paytaxt Ər Riyadın şimalında keçirilmiş xüsusi əməliyyat zamanı iki terrorçunun məhv edilməsi barədə məlumat yayıb.

İzmirdə törədilən terror aktı zamanı şəhid olan polis əməkdaşı Fethi Sekinin onlarla insanın həyatını xilas etdiyi məlum olub.

“Anadolu” agentliyi xəbər verir ki, 43 yaşlı polis əməkdaşı qəhrəmanlıq nümayiş etdirib.

İzmirdə baş verən terror aktının arxasında, ilkin ehtimala görə, PKK terror təşkilatı dayanır.

NTV telekanalı xəbər verir ki, bunu şəhər valisi Erol Ayyıldız deyib.

Onun sözlərinə görə, terrorçular polislərə postda avtomobili yoxlamaq istəyən zaman hücum ediblər: "Polis terrorçuların olduğu avtomobili yoxlamaq istəyib. Bu zaman onlar atəş açıblar və atışma müddətində avtomobili partladıblar".