Yanvarın 31-də Bakıda və Abşeron yarımadasında, eyni zamanda bəzi bölgələrdə gözlənilən küləkli hava şəraiti ilə bağlı sarı xəbərdarlıq verib.

İksmedia “Qafqazinfo”-ya istinadən xəbər verir ki, bununla bağlı Milli Hidrometeorologiya Xidməti məlumat yayıb.

Bakıda və Abşeron yarımadasında, Salyan, Hacıqabul, Xızı, Qobustan, Şamaxı, Şəki, Oğuz, İsmayıllı, Kəlbəcər, Laçın, Zəngilan, Füzuli, Cəbrayıl, Gəncə, Gədəbəy, Daşkəsən, Goranboy, Naftalan və Mingəçevirdə sarı xəbərdarlığa uyğun olaraq cənub-qərb küləyi əsəcək, küləyin sürəti 13.9-20.7 m/san təşkil edəcək.

Azərbaycanda ictimai yerlərdə tütün məmulatlarından istifadənin qarşısının alınması, ətraf mühitin mühafizəsi və vətəndaşların sağlamlığının qorunması məqsədilə nəzarət tədbirləri gücləndirilib.

Bu istiqamətdə qanunvericiliyin tələblərinə əməl olunması, həmçinin maarifləndirmə işlərinin aparılması hüquq-mühafizə orqanlarının əsas fəaliyyət istiqamətlərindən biri olaraq qalır.

DİN Mətbuat Xidmətinin əməkdaşı Cəsarət Qənbərli BAKU.WS-ə bildirib ki, Daxili İşlər Nazirliyi tərəfindən "Tütün məmulatlarından istifadənin məhdudlaşdırılması haqqında" Qanunun tələblərindən irəli gələn vəzifələrin icrası daim diqqət mərkəzində saxlanılır:

"Respublikanın şəhər, rayon polis orqanları tərəfindən aidiyyəti təşkilatlarla birgə qanunla tütün çəkilməsinə icazə verilməyən yerlərdə mütəmadi olaraq monitorinqlər keçirilir, fiziki və hüquqi şəxslər, fərdi sahibkarlar, bütövlükdə isə əhali arasında geniş izahat işləri aparılır.

Qeyd edək ki, qanunla qadağan edilmiş yerlərdə tütün məmulatlarından istifadə edən, tullantılarını ətraf mühitə atan, tütün məmulatlarını yektinlik yaşına çatmayanlara satan şəxslər barəsində inzibati tənbeh tədbirləri tətbiq olunur. Bir daha hər kəsi vətəndaşlıq borcunu yerinə yetirməyə, qanunvericiliyin tələblərinə riayət etməyə çağırırıq".

Məlumat üçün bildirək ki, Azərbaycan Respublikasının İnzibati Xətalar Məcəlləsinin 212-ci maddəsinə əsasən, tütün məmulatlarının istifadəsinə dair məhdudiyyətlərin pozulmasına görə bir sıra inzibati cərimələr nəzərdə tutulub. Qanunla qadağan edilmiş yerlərdə tütün çəkilməsinə görə 30 manat, siqaret kötüyü və digər tütün tullantılarının ətraf mühitə atılmasına görə 300 manat cərimə tətbiq edilir. Həmin xətanın bir il ərzində təkrar törədilməsi isə 700 manat cərimə və ya 60–100 saat ictimai işlə nəticələnə bilər. Eyni zamanda, müəssisə və təşkilatlarda tütün çəkmək üçün xüsusi yerlərin düzgün təşkil olunmamasına görə vəzifəli şəxslər 400–500 manat, hüquqi şəxslər isə 1 000–1 200 manat məbləğində cərimə olunur.

Yanvarın 31-də gözlənilən hava şəraiti açıqlanıb.

Milli Hidrometeorologiya Xidmətindən  verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Gecə və səhər bəzi yerlərdə arabir duman olacaq. Mülayim cənub-qərb küləyi arabir güclənəcək. Havanın temperaturu gecə 3-6, gündüz 12-17 dərəcə isti olacaq. Atmosfer təzyiqi 756 mm civə sütunundan 753 mm civə sütununa enəcək. Nisbi rütubət gecə 80-85%, gündüz 55-60% təşkil edəcək.

Azərbaycanın rayonlarında havanın əsasən yağmursuz keçəcəyi, lakin gündüz bəzi dağlıq ərazilərdə qısamüddətli yağıntılı olacağı, qar yağacağı gözlənilir. Bəzi yerlərdə arabir duman olacaq. Mülayim qərb küləyi bəzi yerlərdə arabir güclənəcək.

Havanın temperaturu gecə 0-5, gündüz 13-18 dərəcə isti, dağlarda gecə 0-5 dərəcə şaxta, gündüz 10-15 dərəcə isti olacaq.