Siyəzən Rayon İcra Hakimiyyətinin (RİH) başçısı Novruz Novruzov köməkçisini vəzifəsindən azad edib.

“İksmedia az"  iqtisadiyyat.az-a istinadən xəbər verir ki, bununla bağlı icra başçısı müvafiq Əmr imzalayıb.

Əmrə əsasən, Balabəy Balabəyov icra başçısının köməkçisi vəzifəsindən azad olunub.

Məlumata görə, o, dövlət qulluğunda olmanın yaş həddinə çatması ilə əlaqədar təqaüdə yola salınıb. Bu günlərdə onun 65 yaşı tamam olub.

Xatırladaq ki, B.Balabəyov uzun müddət RİH-də çalışıb. O, əvvəllər RİH-in İctimai-siyasi və humanitar məsələlər şöbəsinin müdir müavini (dini qurumlarla işin təşkilatçısı) işləyib. Ötən ay struktur dəyişikliyindən sonra onun vəzifəsi ixtisara düşdüyündən başçının köməkçisi təyin edilib.

Müştərisinin saçını kəsib sonra təqaüdünü talayan bərbər saxlanılıb.

“İksmedia az" Qafqazinfo”-ya istinadla DİN-in Mətbuat xidmətinə istinadən xəbər verir ki, hadisə Abşeron rayonu Mehdiabad qəsəbəsində baş verib.

Belə ki, zərərçəkən küçə ilə hərəkətdə olarkən naməlum şəxsin ona zor tətbiq edərək 485 manatını taladığı barədə polisə müraciət edib.

Abşeron RPİ Mehdiabad Polis Bölməsinin əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuş 43 yaşlı Hüseynbala Cəfərov müəyyən edilərək saxlanılıb.

Araşdırma zamanı məlum olub ki, həmin gün zərərçəkən daimi müştərisi olduğu kişi salonuna gedib və söhbət əsnasında bərbəri olan H.Cəfərova təqaüdünün köçdüyünü bildirib. Bunu eşidən həmin şəxs zərərçəkəni yol boyu izləyərək ona zor tətbiq edib, başına polietilen torba keçirməklə cibindəki pulu talayıb. Daha sonra isə o, pulu narkotik vasitə almaq üçün şəxsiyyəti istintaqla araşdırılan İran vətəndaşına onlayn yolla göndərib.

Faktla bağlı araşdırma aparılır.

Türkiyənin Milliyyətçi Hərəkat Partiyasının (MHP) sədri Dövlət Baxçalı “Now” kanalında yayımlanan “Yeraltı” serialının baş obrazlarından birini canlandıran Uraz Kaygılaroğluna zəng edib.

“İksmedia az." Qafqazinfo”-ya istinadən xəbər verir ki, partiya sədri bu barədə instaqram hesabında paylaşım edib.

“Bu gün Now TV-də yayımlanan “Yeraltı” serialının baş qəhrəmanlarından birinə həyat verən Uraz Kaygılaroğluna zəng etdim. Serialın uğurlu yayımından və türkiyəli gəncləri pis vərdişlərdən uzaq tutmağı hədəfləyən nümunəvi ssenarisindən məmnun olduğumu bildirdim.

Ona razı olduqları təqdirdə bozqurd rəsmini hədiyyə etmək istədiyimi dedim. Bütün komandaya uğurlar arzuladım”, - Baxçalı yazıb.

Qeyd edək ki, yeni yayımlanmağa başlayan və Uraz Kaygılaroğlu, Deniz Can Aktaş, Devrim Özkan və Burak Sevinç kimi tanınmış aktyorların yer aldığı serial reytinqləri alt-üst edib.

U.Kaygılaroğlu layihədə Bozkurt (Bozo) obrazını canlandırır.

Serialın ssenari müəllifi isə “Kurtlar vadisi” serialının “Polad Alemdar”ı Necati Şaşmazın qardaşı Raci Şaşmazdır.