Ermənistanın cəzaçəkmə müəssisələrində yoxlama işlərini həyata keçirən müşahidəçilər bu yaxınlarda Yerevandakı “Nubaraşen” ümumi rejimli islah müəssisəsində dəhşətli antisanitariyanın şahidi olublar.
Virtualaz.org-un xüsusi müxbiri xəbər verir ki, məhbuslara verilən qida konteynerlərinin içində belə çoxlu sayda tarakan aşkarlanıb. Onların peyda olmasında təəccüblü heç nə yoxdur – kameraların çoxunda kanalizasiya işləmir, nəmişlikdən yataq ağları yaşdır.
Ölkənin Ədliyyə Nazirliyinə bu barədə məruzə olunub, lakin üstündən bir neçə həftə keçsə də, müşahidəçilərə cavab verilməyib. Belə olduğu halda, onlar KİV-ə müraciət ediblər və bunlardan bəziləri antisanitariyanın səviyyəsini göstərən fotoşəkilləri dərc ediblər.
Qeyd edək ki, “Nubaraşen” həbsxanasında məhkum olunmuş müxalifətçilər, o cümlədən “Sasna Tsrer” üsyançı qrupunun bəzi üzvləri saxlanılır.